ଓଡ଼ିଶା ସମ୍ବାଦ ବ୍ୟୁରୋ: ଦିନ ପରେ ରାତି ଆଉ ରାତି ପରେ ଦିନ ହେବା ସୃଷ୍ଟିର ନିୟମ। କିନ୍ତୁ ଭାବିଲେ ଯଦି କେବେବି ରାତି ହେବନି କି ଦିନ ହେବନି କେମିତି କଟିବ ଆପଣଙ୍କ ଦିନ। ଆପଣ ଜାଣନ୍ତି କି ଦୁନିଆରେ ଏପରି ସ୍ଥାନ ରହିଛି ଯେଉଁଠାରେ କେବେ ବି ରାତି ହୁଏ ନାହିଁ। ଦୁନିଆରେ ଏମିତି କିଛି ଦେଶ ଅଛି ଯେଉଁଠାରେ ସବୁବେଳେ ସୂର୍ଯ୍ୟ ଉଦୟ ହୋଇ ରୁହନ୍ତି ଏବଂ ଏଠାରେ ଦୀର୍ଘ ସମୟ ପର୍ଯ୍ୟନ୍ତ ରାତି ହୁଏନାହିଁ। ଏହାକୁ ବିଶ୍ୱାସ କରିବା ଟିକେ କଷ୍ଟକର, କିନ୍ତୁ ଏହା ସତ। ତେବେ ଆସନ୍ତୁ ଜାଣିବା ସେହି ଦେଶଗୁଡିକ ସମ୍ପର୍କରେ।
ନରୱେ: ଲ୍ୟାଣ୍ଡ ଅଫ୍ ଦ ମିଡନାଇଟ ସନ ବା ସୂର୍ଯ୍ୟର ଭୂମି ଭାବରେ ଜଣାଶୁଣା ନରୱେ ଦୁନିଆର ସବୁଠାରୁ ସୁନ୍ଦର ଦେଶ। ଖବର ଅନୁଯାୟୀ, ମେ ମାସ ରୁ ଜୁଲାଇ ଅର୍ଥାତ୍ ପ୍ରାୟ ୭୬ ଦିନ ପର୍ଯ୍ୟନ୍ତ ଏହି ଦେଶରେ ସନ୍ଧ୍ୟା କିମ୍ବା ରାତି ହୁଏ ନାହିଁ। ଏହି ଦେଶରେ ଦୀର୍ଘ ସମୟ ପର୍ଯ୍ୟନ୍ତ ସୂର୍ଯ୍ୟକିରଣ ପଡିଥାଏ।
ଆଲାସ୍କା: ଆମେରିକା ଏବଂ ଋଷ ସହିତ ଜଡିତ ଆଲାସ୍କା ମଧ୍ୟ ଏପରି ଏକ ସ୍ଥାନ, ଯେଉଁଠାରେ ସୂର୍ଯ୍ୟ କିରଣ ଦୀର୍ଘ ସମୟ ଧରି ରହିଥାଏ। ସବୁବେଳେ ତୁଷାରପାତ ସ୍ଥାନରେ ସୂର୍ଯ୍ୟକିରଣ ପଡେ ଏବଂ ଏହି ଦୃଶ୍ୟ ଦେଖିବାରୁ ବହୁତ ସୁନ୍ଦର। କୁହାଯାଏ ଯେ ଏଠାରେ ରାତି ପ୍ରାୟ ୧୨.୩୦ରେ ସୂର୍ଯ୍ୟ ଅସ୍ତ ହୁଏ ଏବଂ ମାତ୍ର ୫୧ ମିନିଟ୍ ପରେ ପୁଣିଥରେ ସୂର୍ଯ୍ୟ ଉଦୟ ହୋଇଯାଏ।
ଫିନଲ୍ୟାଣ୍ଡ: ହ୍ରଦ ଏବଂ ଦ୍ୱୀପପୁଞ୍ଜ ଥିବା ଏହି ଦେଶରେ ସୂର୍ଯ୍ୟ କିରଣ ଦୀର୍ଘ ସମୟ ପର୍ଯ୍ୟନ୍ତ ରହିଥାଏ। ଏହି ଦେଶଟି ପରିଦର୍ଶନ କରିବା ପାଇଁ ଅତି ସୁନ୍ଦର ଗନ୍ତବ୍ୟସ୍ଥଳ ଭାବରେ ବିବେଚନା କରାଯାଏ। ଏହି ସ୍ଥାନରେ ସୂର୍ଯ୍ୟ ପ୍ରାୟ ୭୬ ଦିନ ପର୍ଯ୍ୟନ୍ତ ଦୃଶ୍ୟମାନ ହୁଅନ୍ତି। କ୍ଷେତ୍ରଫଳ ଦୃଷ୍ଟିରୁ ଏହି ଦେଶଟି ବହୁତ ବଡ ବୋଲି କୁହାଯାଏ।
ସ୍ୱିଡେନ: ଏହା ମଧ୍ୟ ସେହି ଦେଶମାନଙ୍କ ମଧ୍ୟରୁ ଗୋଟିଏ ଯେଉଁଠାରେ ମେ ରୁ ଅଗଷ୍ଟ ପର୍ଯ୍ୟନ୍ତ ସୂର୍ଯ୍ୟ ସ୍ଥିର ହୋଇ ରହେ। କୁହାଯାଏ ଯେ ଏହି ଦେଶର ଲୋକମାନେ ପ୍ରାୟ ଛଅ ମାସ ସୂର୍ଯ୍ୟର ଆଲୋକରେ ରୁହନ୍ତି। ସ୍ୱିଡେନ ହେଉଛି ଏପରି ଏକ ଦେଶ ଯାହାର ସୁନ୍ଦର ଦୃଶ୍ୟ ପର୍ଯ୍ୟଟକଙ୍କୁ ଆକର୍ଷିତ କରିଥାଏ।