ଭୁବନେଶ୍ୱର: ତତଲା କଡ଼େଇରେ ଭାଜି ହେଉଛି ପଶ୍ଚିମ ଓଡ଼ିଶା । ଆଗାମୀ ୫ ଦିନ ଯାଏ ଗ୍ରୀଷ୍ମ ପ୍ରବାହ ଅନୁଭୂତ ହେବା ନେଇ ପାଣିପାଗ ବିଭାଗ ଅରେଞ୍ଜ ଓ ୟେଲୋ ୱାର୍ଣ୍ଣିଂ ଜାରି କରିଛି । ଦିନରେ ଅସହ୍ୟ ଗରମ ଓ ଗୁଳୁଗୁଳି ଅନୁଭୂତ ହେଉଥିବା ବେଳେ ପଶ୍ଚିମ ଓଡ଼ିଶାରେ ରାତି ବି ତାତିରେ ଜଳୁଛି ।
ଗତ ୨୪ ଘଣ୍ଟାରେ #ସମ୍ବଲପୁର ଏବଂ #ବଲାଙ୍ଗୀର ଜିଲ୍ଲାର ଗୋଟିଏ ରୁ ଦୁଇଟି ସ୍ଥାନରେ #ଉଷ୍ମରାତ୍ରି ଅନୁଭୂତ ହୋଇଛି |
ସମ୍ବଲପୁର ରେ ରାତ୍ରି ତାପମାତ୍ରା ୩୧.୬ ଡ଼ିଗ୍ରୀ ରେକର୍ଡ କରାଯାଇଛି ଯାହା ସ୍ୱାଭାବିକ ଠାରୁ ୬.୪ ଡ଼ିଗ୍ରୀ ଅଧିକ ସେହିପରି, ହୀରାକୁଦ ରେ ୫ ଡ଼ିଗ୍ରୀ ଏବଂ ଟିଟଲାଗଡ ରେ ୬.୨ ଡ଼ିଗ୍ରୀ ଅଧିକ ରେକର୍ଡ ହୋଇଛି
— Meteorological Centre, Bhubaneswar (@mcbbsr) June 14, 2023
ପାଣିପାଗ ବିଭାଗର ସୂଚନା ଅନୁସାରେ ଗତ ୨୪ ଘଣ୍ଟାରେ ସମ୍ବଲପୁର ଏବଂ ବଲାଙ୍ଗିର ଜିଲ୍ଲାର ଗୋଟିଏରୁ ଦୁଇଟି ସ୍ଥାନରେ ରାତି ଉଷ୍ମ ରହିଛି । ସମ୍ବଲପୁରରେ ରାତ୍ରୀ ତାପମାତ୍ରା ୩୧.୬ ଡିଗ୍ରୀ ରେକର୍ଡ କରାଯାଇଛି, ଯାହାକି ସ୍ୱାଭାବିକ ଠାରୁ ୬.୪ ଡ଼ିଗ୍ରୀ ଅଧିକ ।
ସେହିଭଳି ହୀରାକୁଦରେ ରାତି ତାପମାତ୍ରା ସ୍ୱାଭାବିକ ଟାରୁ ୫ ଡିଗ୍ରୀ ଏବଂ ଟିଟଲାଗଡ଼ରେ ୬.୨ ଡିଗ୍ରୀ ଅଧିକ ରେକର୍ଡ ହୋଇଛି । ଅନ୍ୟପଟେ ଆଜି ଉପକୂଳ ଜିଲ୍ଲାରେ ପାଗ ସାମାନ୍ୟ ମେଘୁଆ ରହିଛି । ଦିନ ୧୧ ଟା ୩୦ ସୁଦ୍ଧା ଝାରସୁଗୁଡାରା ପାରଦ ୩୯.୪ ଡିଗ୍ରୀ ରହିଥିବା ବେଳେ ସମ୍ବଲପୁରରେ ୩୮.୨ ଡିଗ୍ରୀ, ହୀରାକୁଦରେ ୩୭.୨ ଡିଗ୍ରୀ, ଭୁବନେଶ୍ୱରରେ ୩୩.୨ ଡିଗ୍ରୀ ତାପମାତ୍ରା ରହିଛି ।
ଆଜି ଦିନ ୧୧ ଟା ୩୦ ସୁଦ୍ଧା ରେକର୍ଡ ତାପମାତ୍ରା
ଝାରସୁଗୁଡା: ୩୯.୪ ଡ଼ିଗ୍ରୀ
ସମ୍ବଲପୁର: ୩୮.୨ ଡ଼ିଗ୍ରୀ
ହୀରାକୁଦ: ୩୭.୨ ଡ଼ିଗ୍ରୀ
କେନ୍ଦୁଝର: ୩୫.୬ ଡ଼ିଗ୍ରୀ
ଚାନ୍ଦବାଲି: ୩୫ ଡ଼ିଗ୍ରୀ
ବାଲେଶ୍ୱର: ୩୩.୬ ଡ଼ିଗ୍ରୀ
ଭୁବନେଶ୍ୱର: ୩୩.୨ ଡ଼ିଗ୍ରୀ
ଗୋପାଳପୁର: ୩୩.୨ ଡ଼ିଗ୍ରୀ
ପୁରୀ: ୩୧.୮ ଡ଼ିଗ୍ରୀ
ପାରାଦୀପ: ୩୦.୬ ଡ଼ିଗ୍ରୀ— Meteorological Centre, Bhubaneswar (@mcbbsr) June 14, 2023
ଗତକାଲି ରାଜ୍ୟର ୧୮ ସ୍ଥାନରେ ପାରଦ ୪୦ ଡିଗ୍ରୀ ଉପରେ ରହିଥିଲା । ସମ୍ବଲପୁରରେ ରାଜ୍ୟର ସର୍ବୋଚ୍ଚ ଦିନ ତାପମାତ୍ରା ୪୪.୩ ଡିଗ୍ରୀ ରେକର୍ଡ ହୋଇଥିଲା । ସେହିଭଳି ହୀରାକୁଦରେ ପାରଦ ୪୩.୭ ଡିଗ୍ରୀ, ଝାରସୁଗୁଡ଼ାରେ ୪୧.୪ ଡିଗ୍ରୀ ଓ ସୁନ୍ଦରଗଡ଼ରେ ୪୨.୮ ଡିଗ୍ରୀ ତାପମାତ୍ରା ରହିଥିଲା ।