କଟକ: ଦରଘାବଜାର ଅଞ୍ଚଳରେ କମିଶନରେଟ ପୋଲିସର ଏନକାଉଣ୍ଟର । ହାର୍ଡକୋର୍ କ୍ରିମିନାଲ୍ ଶେଖ ବାବୁ ଆହତ ହୋଇଛି । ସ୍ପେଶାଲ୍ ସ୍କ୍ୱାଡ୍ ତାକୁ ଏନକାଉଣ୍ଟର କରିଥିଲା । ବାବୁର ବାମ ଗୋଡ଼ରେ ଗୁଳି ବାଜିଛି । ଗୁରୁତର ଅବସ୍ଥାରେ ତାକୁ କଟକ ଏସସିବିରେ ଚିକିତ୍ସା କରାଯାଉଛି । ଗତକାଲି ରାତିରେ ଦରଖାବଜାର ନିକଟରେ ପୋଲିସ ଶେଖ ବାବୁର ମୁହାଁମୁହିଁ ହୋଇଥିଲା । ପୋଲିସ କାବୁ କରିବାକୁ ଚେଷ୍ଟା କରିଥିଲା । ଏତିକିବେଳେ ପ୍ରଥମେ ଗୁଳି ଚଳାଇ ଚକମା ଦେଇ ଖସି ଯିବାକୁ ଚେଷ୍ଟା କରିଥିଲା ବାବୁ । ପୋଲିସ ପାଲଟା ଗୁଳି ଚଳାଇଥିଲା ।
ଶେଖ ବାବୁର ଗୁଳିରେ ଦୁଇ ଜଣ ପୋଲିସ କର୍ମଚାରୀ ଆହତ ହୋଇଛନ୍ତି । ଦରଘା ବଜାର ଥାନା ଆଇଆଇସି ଓ ସ୍ପେଶାଲ ସ୍କ୍ୱାଡର ଜଣେ ହାବିଲଦାର ଆହତ ହୋଇଛନ୍ତି । ବାବୁ ନିକଟରୁ ଗୋଟିଏ ବନ୍ଧୁକ, ୨ ରାଉଣ୍ଡ ଗୁଳି ଓ ଗୋଟିଏ ବାଇକ୍ ଜବତ ହୋଇଛି । ପୂର୍ବରୁ ମଧ୍ୟ ପୋଲିସ୍ ଏନକାଉଣ୍ଟରରେ ଆହତ ହୋଇଥିଲା ବାବୁ । ତା ନାଁରେ କଟକର ବିଭିନ୍ନ ଥାନାରେ ୨୧ଟି ମାମଲା ରହିଛି ।
Comments are closed.