ନୂଆଦିଲ୍ଲୀ: ପ୍ରଭାସଙ୍କ ଆଗାମୀ ଚଳଚ୍ଚିତ୍ର ‘ଆଦିପୁରୁଷ’କୁ ଏବେ ଚାରିଆଡେ ଆଲୋଚନା ହେଉଛି। ଗୁରୁବାର ନିର୍ମାତା ଏହି ଫିଲ୍ମର ରିଲିଜ୍ ତାରିଖ ଘୋଷଣା କରିଛନ୍ତି। ପ୍ରଭାସଙ୍କ ଏହି ମେଗା ବଜେଟ୍ ଚଳଚ୍ଚିତ୍ର ୨୦୨୨ ମସିହାରେ ମୁକ୍ତିଲାଭ କରିବ। ଅଭିନେତା ପ୍ରଭାସ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏହି ସୂଚନା ଦେଇଛନ୍ତି।
ପ୍ରଭାସ କହିଛନ୍ତି ଯେ ‘ଆଦିପୁରୁଷ’ ୧୧ ଅଗଷ୍ଟ ୨୦୨୨ରେ ବଡ ପରଦାରେ ଦର୍ଶକଙ୍କ ସାମ୍ନାକୁ ଆସିବ। ଯଦି ଆମେ ଚଳଚ୍ଚିତ୍ରର କାହାଣୀ ବିଷୟରେ କହିବା, ତେବେ ଏହି ଚଳଚ୍ଚିତ୍ରଟି ପୁରାଣ ଶାସ୍ତ୍ର ରାମାୟଣ ଉପରେ ଆଧାରିତ ଏବଂ ଏଥିପାଇଁ ଅନେକ ବଡ ତାରକା ସ୍ୱାକ୍ଷର କରିଛନ୍ତି। ପ୍ରଭାସ ଫିଲ୍ମରେ ସୈଫ ଅଲି ଖାନଙ୍କ ନାମ ନିଶ୍ଚିତ ହୋଇଛି, କିନ୍ତୁ ଏପର୍ଯ୍ୟନ୍ତ ଫିଲ୍ମର ହିରୋଇନଙ୍କ ସମ୍ପର୍କରେ କୌଣସି ନାମ ଚୂଡାନ୍ତ ହୋଇନାହିଁ।