ହାଇଦ୍ରାବାଦ: ସାଉଥ ଫିଲ୍ମ ଇଣ୍ଡଷ୍ଟ୍ରୀର ସର୍ବୋତ୍ତମ ଅଭିନେତା ପ୍ରଭାସ ୪୫ ବର୍ଷ ବୟସରେ ପଦାର୍ପଣ କରିଛନ୍ତି । ହେଲେ ସେ ଏପର୍ଯ୍ୟନ୍ତ ବିବାହ କରିନାହାଁନ୍ତି । ଅନେକ ପ୍ରସିଦ୍ଧ ଅଭିନେତାଙ୍କ ପରି, ପ୍ରଭାସ ମଧ୍ୟ ଏକାକୀ ଜୀବନଯାପନ କରୁଛନ୍ତି । ଯଦିଓ ତାଙ୍କର ବିବାହ ବର୍ଷ ବର୍ଷ ପୂର୍ବରୁ ହେବାର ଥିଲା । ତାଙ୍କ ପରିବାର ମଧ୍ୟ ଏଥିପାଇଁ ପ୍ରସ୍ତୁତି ଆରମ୍ଭ କରିଦେଇଥିଲେ, କିନ୍ତୁ ପରେ ପ୍ରଭାସଙ୍କୁ ଜଣେ ପ୍ରସିଦ୍ଧ ନିର୍ଦ୍ଦେଶକଙ୍କ ଫୋନ୍ ଆସିଥିଲା ଏବଂ ଏହା ପରେ ପ୍ରଭାସ ବିବାହ କରିବା ଚିନ୍ତା ଛାଡି ଦେଇଥିଲେ ।
ସେହି ଫିଲ୍ମ ନିର୍ଦ୍ଦେଶକ ଜଣକ ହେଲେ ଏସଏସ୍ ରାଜମୌଲି । ସେ ପ୍ରଭାସଙ୍କୁ ଫୋନ କରି ବାହୁବଳୀ ଫିଲ୍ମର ପ୍ରସ୍ତାବ ଦେଇଥିଲେ । ଏହା ପରେ ପ୍ରଭାସ ଫିଲ୍ମରେ କାମ କରିବା ଆରମ୍ଭ କରିଥିଲେ । ‘ବାହୁବଳୀ’ ଭଳି ଫିଲ୍ମ ମାଧ୍ୟମରେ ପ୍ରଭାସଙ୍କୁ ଦେଶ ଏବଂ ବିଶ୍ୱରେ ବିଶେଷ ପରିଚୟ ମିଳିପାରିଛି ।
୨୦୧୨ ମସିହାରରେ ପ୍ରଭାସଙ୍କ ମାଆ ତାଙ୍କୁ ବିବାହ କରିବା ନେଇ ଅନେକ ପ୍ରସ୍ତାବ ଆଣିଥିଲେ । ସେତେବେଳେ ପ୍ରଭାସ ତାଙ୍କ କ୍ୟାରିୟରରେ ଭଲ କାମ କରୁଥିଲେ ଏବଂ ତାଙ୍କ ମାଆଙ୍କ ଭାବନାକୁ ବୁଝି ସେ ବିବାହ ପାଇଁ ହଁ ମଧ୍ୟ କହିଥିଲେ । ହେଲେ ଏସ୍ଏସ୍ ରାଜମୌଲିଙ୍କ ହଠାତ୍ ଫୋନ୍ କଲ ପ୍ରଭାବସଙ୍କ ବିବାହରେ ବାଡ ସାଜିଥିଲା ।
ବାହୁବଳୀ ନିର୍ଦ୍ଦେଶକ ରାଜାମୌଲି ପୂର୍ବରୁ ଏହି ଫିଲ୍ମ ପାଇଁ ହ୍ରିତିକ୍ ରୋଶନଙ୍କୁ ନେବାକୁ ଭାବିଥିଲେ । କିନ୍ତୁ ହ୍ରିତିକ୍ ଏଥିରେ ଆଗ୍ରହ ଦେଖାଇ ନଥିଲେ । ଏହା ପରେ ରାଜାମୌଲି ପ୍ରଭାସଙ୍କୁ ଫୋନ୍ କଲେ । ଏହା ସହିତ, ସେ ଏଥିପାଇଁ ପାଞ୍ଚ ବର୍ଷ ସମୟ ମାଗିଥିଲେ । ପ୍ରଭାସଙ୍କୁ ବାହୁବଲୀର ସ୍କ୍ରିପ୍ଟ ପସନ୍ଦ ଆସିଥିଲା ଏବଂ ସେ ଫିଲ୍ମ ପାଇଁ ନିର୍ଦ୍ଦେଶକଙ୍କୁ ହଁ କହିଥିଲେ । ଏପରି ପରିସ୍ଥିତିରେ, ପ୍ରଭାସ ବିବାହ କରିବା ଚିନ୍ତା ଛାଡିଦେଲେ ଏବଂ ଅଭିନେତା ଏହି ସିନେମାରେ ବ୍ୟସ୍ତ ହୋଇଗଲେ ଯାହା ତାଙ୍କ କ୍ୟାରିଅରରେ ଏକ ମାଇଲଖୁଣ୍ଟ ପ୍ରମାଣିତ ହେଲା ।
‘ବାହୁବଳୀ’ ୨୦୧୫ ମସିହାରେ ରିଲିଜ ହୋଇଥିଲା ଏବଂ ଏହାକୁ କେବଳ ଦକ୍ଷିଣରେ ନୁହେଁ ବରଂ ଦେଶ ଏବଂ ବିଶ୍ୱରେ ପସନ୍ଦ କରାଯାଇଥିଲା । ଦୁଇ ବର୍ଷ ପରେ, ୨୦୧୭ରେ, ‘ବାହୁବଳୀ ୨’ ରିଲିଜ ହୋଇଥିଲା । ଏହି ଫିଲ୍ମଟି ଆହୁରି ବଡ଼ ବ୍ଲକବଷ୍ଟର ସାବ୍ୟସ୍ତ ହେଲା । ଏହି ଦୁଇଟି ଫିଲ୍ମ ପାଇଁ ପ୍ରଭାସ ନିର୍ମାତାଙ୍କୁ ତାଙ୍କର ପାଞ୍ଚ ବର୍ଷ ଦେଇଥିଲେ । ଏହି ସମୟ ମଧ୍ୟରେ ସେ ଅନ୍ୟ କୌଣସି ଚଳଚ୍ଚିତ୍ର ସାଇନ୍ କରିନଥିଲେ ।
Comments are closed.