ଆରମ୍ଭ ହେଲା ଶ୍ରୀଜିଉଙ୍କ ରାଧା ଦାମୋଦର ବେଶ

ପୁରୀ : ଆଜି ପବିତ୍ର ଆଶ୍ବିନ ଶୁକ୍ଳ ଏକାଦଶୀ ତିଥି । ଏହାସହ ଆଜିଠୁ ଶ୍ରୀମନ୍ଦିରରେ ଆରମ୍ଭ ହୋଇଛି ଶ୍ରୀଜିଉଙ୍କ ରାଧା ଦାମୋଦର ବେଶ । କାର୍ତ୍ତିକ ଶୁକ୍ଳ ଦଶମୀ ପର୍ଯ୍ୟନ୍ତ ଦୀର୍ଘ ଏକ ମାସ ଧରି ପ୍ରତିଦିନ ଆଳତି ଅବକାଶ ନୀତି ପରେ ଏହି ବେଶ ଅନୁଷ୍ଠିତ ହେବ । ଏହାସହ ଶ୍ରୀମନ୍ଦିରରେ ଏଣିକି ପ୍ରତିଦିନ ବାଳ ଭୋଗ ଅନୁଷ୍ଠିତ ହେବ । ବିଶ୍ବାସ ରହିଛି, ଏହି ଦୁର୍ଲଭ ବେଶରେ ମାସ ତମାମ ଦର୍ଶନ କରି ପୂଜାର୍ଚ୍ଚନା ଓ ବ୍ରତ ପାଳନ କଲେ ପୂଣ୍ୟ ପ୍ରାପ୍ତି ହୋଇଥାଏ । ତେଣୁ ଆଜିଠାରୁ ପୁରୀରେ ବହୁ ଭକ୍ତ ଓ ଶ୍ରଦ୍ଧାଳୁ ମହା କାର୍ତ୍ତିକ ବ୍ରତ ପାଳନ କରିଛନ୍ତି । ଯଦିଓ କାର୍ତ୍ତିକ ମାସର ଆରମ୍ଭରୁ ବ୍ରତ ପାଳନ ଦେଖିବାକୁ ମିଲିଥାଏ । ମାତ୍ର ଅନେକ ଶ୍ରଦ୍ଧାଳୁ ବିଶେଷ କରି ସେବାୟତ ପରିବାରର ବିଧବା ମହିଳା ମାନେ ଆଜିଠାରୁ କାର୍ତ୍ତିକ ବ୍ରତ ପାଳନ କରିଥାନ୍ତି ।