ମୁମ୍ବାଇ: ଭାରତୀୟ କ୍ରିକେଟ ଦଳର ବ୍ୟାଟ୍ସମ୍ୟାନ ଅଜିଙ୍କ୍ୟ ରାହାଣେ ପୁନର୍ବାର ବାପା ହେବାର ସୌଭାଗ୍ୟ ଅର୍ଜନ କରିଛନ୍ତି । ରାହାଣେଙ୍କ ପତ୍ନୀ ରାଧିକା ବୁଧବାର ପୁତ୍ର ସନ୍ତାନ ଜନ୍ମ ଦେଇଥିଲେ । ସୋସିଆଲ ମିଡିଆରେ ରାହାଣେ ଏହି ଖୁସି ଖବର ପ୍ରଶଂସକଙ୍କ ସହ ଶେୟାର କରିଛନ୍ତି । ସେ ଏ ନେଇ ଏକ ଟୁଇଟ ମଧ୍ୟ କରିଛନ୍ତି । ଉଭୟ ମାଆ ଏବଂ ପୁତ୍ର ସୁସ୍ଥ ଅଛନ୍ତି । ବିଭିନ୍ନ ମହଲରୁ ଏ ନେଇ ସେମାନଙ୍କ ପ୍ରତି ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ରାହାଣେ ଏବଂ ରାଧିକା ପିଲା ବେଳୁ ଭଲ ବନ୍ଧୁ ଅଟନ୍ତି । ଏହି ବନ୍ଧୁତ୍ୱ ପ୍ରେମରେ ପରିଣତ ହେବା ପରେ ୨୦୧୪ରେ ସେମାନେ ମରାଠୀ ରୀତୀନୀତି ଅନୁସାରେ ବିବାହ କରିଥିଲେ । ଏହାର ୫ ବର୍ଷ ପରେ ରାଧିକା କନ୍ୟା ସନ୍ତାନର ଜନନୀ ହୋଇଥିଲେ ।
Comments are closed.