ରିଲାଏନ୍ସ କର୍ମଚାରୀଙ୍କ ପାଇଁ ଖୁସି ଖବର; ଦୀପାବଳୀ ପୂର୍ବରୁ କର୍ମଚାରୀଙ୍କୁ ମାଲାମାଲ୍ କରିବାକୁ ନିଷ୍ପତ୍ତି ନେଇଛି କମ୍ପାନୀ
ନୂଆଦିଲ୍ଲୀ: ରିଲାଏନ୍ସ ଇଣ୍ଡଷ୍ଟ୍ରିଜ୍ ର କର୍ମଚାରୀଙ୍କ ପାଇଁ ଖୁସି ଖବର ଆଣିଛି ରିଲାଏନ୍ସ କମ୍ପାନୀ। ଦୀପାବଳି ପୂର୍ବରୁ ଏକ ବଡ ଉପହାର ପାଇବାକୁ ଯାଉଛନ୍ତି ରିଲାଏନ୍ସ କର୍ମଚାରୀ। କର୍ମଚାରୀଙ୍କ ବେତନକୁ କରୋନା ପୂର୍ବର ବେତନକୁ ଫେରାଇ ଆଣିବାକୁ କମ୍ପାନୀ ନିଷ୍ପତ୍ତି ନେଇଛି। ଏହା ସହିତ କର୍ମଚାରୀଙ୍କୁ ଦୀପାବଳୀର ବୋନସ୍ ମଧ୍ୟ ପ୍ରଦାନ କରାଯିବ।
କରୋନା ପୂର୍ବରୁ କର୍ମଚାରୀଙ୍କ ଦରମା ଯେତିକି ଥିଲା ପୁଣି ଏହାକୁ ପୁନଃ ସ୍ଥାପନ କରିବାକୁ ରିଲାଏନ୍ସ ଇଣ୍ଡଷ୍ଟ୍ରିଜ୍ ନିଷ୍ପତ୍ତି ନେଇଛି। ଏହା ବ୍ୟତୀତ ରିଲାଏନ୍ସ ମ୍ୟାନେଜ୍ମେଣ୍ଟ ବୋନସ ଦେବାକୁ ମଧ୍ୟ ନିଷ୍ପତ୍ତି ନେଇଛି। ଏହିପରି, ରିଲାଏନ୍ସର କର୍ମଚାରୀମାନେ ଦିୱାଲୀ ପୂର୍ବରୁ ବିପୁଳ ପରିମାଣର ଅର୍ଥ ପାଇବେ ବୋଲି ଆଶା କରାଯାଉଛି।
ରିପୋର୍ଟ ଅନୁଯାୟୀ ଏହା ବ୍ୟତୀତ ରିଲାଏନ୍ସ ଏକ ଲକ୍ଷରୁ ଅଧିକ କର୍ମଚାରୀଙ୍କୁ ଆସନ୍ତା ବର୍ଷର ପରିବର୍ତ୍ତନଶୀଳ ବେତନର ୩୦ ପ୍ରତିଶତ ଦେୟ ପ୍ରଦାନ କରିବ। ତାହା ହେଉଛି, ଯଦି ଜଣେ କର୍ମଚାରୀ ଚାହାଁନ୍ତି, ତେବେ ସେ ଆସନ୍ତା ବର୍ଷର ପରିବର୍ତ୍ତନଶୀଳ ବେତନର ୩୦ ପ୍ରତିଶତ ଅଗ୍ରୀମ ପାଇପାରିବେ।
କରୋନା କାଳରେ କଠିନ ପରିଶ୍ରମ କରୁଥିବା ଏବଂ ନିର୍ଦ୍ଧାରିତ ସମୟଠାରୁ ଅଧିକ ସମୟ କା କରୁଥିବା କର୍ମଚାରୀଙ୍କ ଉନ୍ନତି ପାଇଁ ରିଲାଏନ୍ସ ଏହି ନିଷ୍ପତ୍ତି ନେଇଥିବା କୁହାଯାଇଛି।