ପୁରୀ: ଜୁନ୍ ୨୦ରୁ ବିଶ୍ୱପ୍ରସିଦ୍ଧ ପୁରୀ ରଥ ଯାତ୍ରା । ବିଶ୍ୱ ନିୟନ୍ତାଙ୍କ ମାନବୀୟ ଲୀଳାଖେଳା ଦେଖିବାକୁ ଛୁଟିବ ପୁରୀକୁ ଭକ୍ତଙ୍କ ଧାଡ଼ି । ଡିଜିଟାଲ୍ ଯୁଗରେ ସମସ୍ତେ ଠାକୁରଙ୍କ ବଡ଼ଦାଣ୍ଡରେ ଉପସ୍ଥିତିକୁ ମୋବାଇଲ୍ ଓ କ୍ୟାମେରାରେ କଏଦ କରିବାକୁ ଆଗ୍ରହୀ । ହେଲେ ରଥଯାତ୍ରା ସମୟରେ ଆପଣ ପୁରୀରେ ଡ୍ରୋନ୍ ଉଡ଼ାଇ ପାରିବେ ନାହିଁ ।
ଏନେଇ ପୁରୀ ପୋଲିସ ପକ୍ଷରୁ କଟକଣା ଜାରି କରାଯାଇଛି । ଅନଭିଜ୍ଞ ଡ୍ରୋନ୍ ଚାଳକଙ୍କ ଦ୍ୱାରା ରଥଯାତ୍ରା ସମୟରେ ଡ୍ରୋନ୍ ଉଡ଼ାଇବା ବିପଜ୍ଜନକ । ଶ୍ରଦ୍ଧାଳୁଙ୍କ ସୁରକ୍ଷାକୁ ପ୍ରାଧାନ୍ୟ ଦେଇ ଏଭଳି ନିଷ୍ପତ୍ତି ନିଆଯାଇଥିବା ସୂଚନା ଦେଇଛି ପୁରୀ ପୋଲିସ ।
#𝐑𝐚𝐭𝐡𝐘𝐚𝐭𝐫𝐚𝟐𝟎𝟐𝟑
Advisory on 🅳🆁🅾🅽🅴 🆄🆂🅰🅶🅴 –
For safety of devotees & to prevent inexperienced & unauthorised usage of drones, following advisory is issues in Public Interest.Legal action against defaulters would be taken. All are appealed to co-operate. pic.twitter.com/mswcBLr4tM
— Puri Police (@SPPuri1) June 11, 2023
ସୁରକ୍ଷାକୁ ନଜରରେ ରଖି ପୁରୀରେ ଜୁନ୍ ୨୦ରୁ ଜୁଲାଇ ୧ ତାରିଖ ଯାଏ ଡ୍ରୋନ୍ ଉଡ଼ାଇବାକୁ ମନା କରିଛି ପୋଲିସ । ଜଗନ୍ନାଥ ମନ୍ଦିର, ଗୁଣ୍ଡିଚା ମନ୍ଦିର, ୩ ରଥ ସହ ପୁରୀ ସହର ଏବଂ ବିଶେଷକରି ବଡ଼ ଦାଣ୍ଡରେ କେହି ବିନା ଅନୁମତିରେ ଡ୍ରୋନର ବ୍ୟବହାର କରିପାରିବେ ନାହିଁ ।
ଡ୍ରୋନ୍ ରୁଲ୍ସ ୨୦୨୧ ଅନୁସାରେ ପୁରୀ ଶ୍ରୀମନ୍ଦିର ରେଡ୍ ଜୋନରେ ରହିଛି । କୌଣସି ବି ପରିସ୍ଥିତି କୌଣସି ଡ୍ରୋନ ୩ ରଥର ନିକଟ ଏବଂ ଗୁଣ୍ଡିଚା ମନ୍ଦିର ଉପରେ ଉଡ଼ି ପାରିବ ନାହିଁ । ଯିଏ ବି ଅମାନ୍ୟ କରିବ ଦଣ୍ଡିତ ହେବ । ଗତବର୍ଷ ଡ୍ରୋନ୍ ଉଡ଼ାଇ ଜଣେ ୟୁଟ୍ୟୁବର ଗିରଫ ହୋଇଥିଲେ ।