ଗୌରାଙ୍ଗ ପଟେଲ 
ସୁରୁଜ ଢ଼ଳିଲେ ପଶ୍ଚିମ ଦିଗନ୍ତେ
ପକ୍ଷୀ ଲେଉଟିଲେ ବସା,
ଗୋଧୂଳି ବେଲାରେ ସନ୍ଧ୍ୟା ଦୀପ ଜାଳେ
ଓଢଣୀ ଟାଣି ସଧବା ।
ବିଗତ ଦୁର୍ଦ୍ଦିନ ଭାଳଇ ସନ୍ତାପେ
ଛଳ ଛଳ ଆଖି ଡୋଳା,
ମଥା ନତକରି ଚଉରା ମୂଳରେ
ବଖାଣେ କାରୁଣ୍ୟ ଗାଥା ।
ଦ୍ୱାରସ୍ଥ ବରଷ ଅଭିବାଦନରେ
ମନେ ଅସୁମାରୀ ଆଶା,
ନବ କିଶଳୟ ଅଭୟ ଆଭାଷେ
ମେଣ୍ଟିଯାଉ କିଛି ଦଶା ।
ଚଳିତ ବରଷ ଏ ଶେଷ ସନ୍ଧ୍ୟାରେ
ଶୁଣମା ମନର କଥା,
ଗୃହଲକ୍ଷ୍ମୀ ପଦ୍ମେ ଆଶିଷ ଢ଼ାଳ ହେ
ସେଇତ ଗୃହର ଶୋଭା ।
ଲଙ୍କାହୁଡା, ସୁନ୍ଦରଗଡ