କବିତା: ଚନ୍ଦ୍ରିକା କୁମାର

camping and travel hiking concept from backside of hipster young man with backpack sit see to valley landscape view on peak mountain in tropical rainforest with happiness and freshness filling.

ଅନନ୍ତାଂଶୁ ଜେନା

ଅବେଳ ମୌସୁମୀ ପରି
ମିଛି ମିଛିକା ସ୍ୱପ୍ନରେ
ତୁମେ, ହଠାତ
ମନେ ପଡିଯାଅ ଯେ
ବିଗତ ଦିନର
ସାଇତା ଅଙ୍ଗାର ସବୁ
ଝାପ୍ସା ନିଶାରେ ଗୋଟାପଣେ
ଓଦା କରି ପକାଏ ।

ତୁମକୁ ତୁମେ ବୋଲି
ଜାଣିବା ଆଗରୁ
ଶୁଣିଥିଲି ତୁମ କଥା
ତୁମେ କୁଆଡ଼େ ତୋଳିପାର
ଯେତେସବୁ ମନଛୁଆଁ କୋହ
ତୁଳସୀର ଗନ୍ଧ ଦେଇନୀଳ ଓଠରେ
ଗାଇପାର, ବଂଶୀର ବିରହ ।

ଯମୁନାର ପାଣିରେ
କଦମ୍ବ ର ଛନ୍ଦ ନେଇ
ରଚିପାର, ପ୍ରେମ ଅଳଙ୍କାର
ତ ପୁଣି, କୁଞ୍ଜ କେଳିରେ
ସଞ୍ଜ ବେଳରେ, ଭାଙ୍ଗିପାର
ଆପଣାର ଯାହାସବୁ ଅହଂକାର ।

କିନ୍ତୁ, କଣ ମିଳିବ
ତୁମ୍ଭ ଦାମ୍ଭିଲା ପଣରୁ
ତୁମେ ଯେ ନୀଳ ନିଳାମ୍ବର
ତୁମେ ଯେ ଚନ୍ଦ୍ରିକା କୁମାର
ପାଦ ତଳେ ତୁମ
ବନ୍ଧା ପଡ଼ିଛି, ମନ ମୋର ।

ରାଜକନିକା, କେନ୍ଦ୍ରାପଡ଼ା