ମୁମ୍ବାଇ: ସୁପରଷ୍ଟାର ଶାହାରୁଖ ଖାଁ ଓ ତାପସୀ ପନ୍ନୁଙ୍କ ଡଙ୍କି ଫିଲ୍ମର ଶୁଟିଂ ଜୋରସୋରରେ ଚାଲିଛି । ରାଜକୁମାର ହିରାନୀଙ୍କ ଏହି ଫିଲ୍ମ ପ୍ରତି ଦର୍ଶକଙ୍କ ବେଶ ଉତ୍କଣ୍ଠା ରହିଛି । ଇତି ମଧ୍ୟରେ ଡଙ୍କି ଫିଲ୍ମରେ ଶାହାରୁଖ ଓ ତାପସୀଙ୍କ ଲୁକ ଲିକ ହୋଇଛି । ଏହା ଯେପରି ଲିକ ନ ହେବ ସେଥିପ୍ରତି ସମସ୍ତ ପ୍ରକାର ବନ୍ଦୋବସ୍ତ କରାଯାଇଥିଲା । ଲଣ୍ଡନରେ ଶୁଟିଂ ଅବସରରେ ଏହା ଲିକ ହୋଇଛି । ଫଟୋରେ ଶାହାରୁଖ ତଳେ ବସିଥିବା ବେଳେ ତାପସୀ ତାଙ୍କୁ ଦେଖୁଛନ୍ତି । ବର୍ଡର ଇମିଗ୍ରେଶନ ଉପରେ ଏହି ଫିଲ୍ମ ଅଧାରିତ । କିପରି କେତେକ ଏଜେନ୍ସି କାନାଡାକୁ ନେବା ପ୍ରଲୋଭନ ଦେଖାଇ ଯୁବଗୋଷ୍ଠୀଙ୍କୁ ଫସାଉଛନ୍ତି ତାହା ଏଥିରେ ସମ୍ପୂର୍ଣ୍ଣ ଭାବେ ହିରାନୀଙ୍କ ଷ୍ଟାଇଲରେ ନିର୍ମାଣ କରାଯାଉଛି । ଜିୟୋ ଷ୍ଟୁଡିୟଜ, ରେଡ ଚିଲ୍ଲିଜ ଏଂଟରଟେନମେଂଟ ଓ ରାଜକୁମାର ହିରାନୀ ଫିଲ୍ମସ ମିଳିତ ଭାବେ ଏହାକୁ ପ୍ରେଜେଂଟ କରୁଛନ୍ତି । ଡିସେମ୍ବର ୨୦୨୩ରେ ଏହା ରିଲିଜ ହେବ । ଫିଲ୍ମର କାହାଣୀ ହିରାନୀ, ଅଭିଜିତ ଯୋଶୀ ଓ କନିକା ଢ଼ିଲୋଁ ଲେଖିଛନ୍ତି ।
Comments are closed.