ମଧ୍ୟପ୍ରଦେଶ: ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କହିଛନ୍ତି ଯେ ତାଙ୍କ ସରକାର ମଦ୍ୟପାନ ଉପରେ ପ୍ରତିବନ୍ଧକ ଲଗାଇବାକୁ ଚାହୁଁଛନ୍ତି। ଏଥିପାଇଁ ସେ ଏଥିରେ ସହଯୋଗ କରିବାକୁ ଲୋକଙ୍କୁ ନିବେଦନ କରିଛନ୍ତି। ଏହି ସମୟରେ ସେ ସେଠାରେ ଉପସ୍ଥିତ ଥିବା ଲୋକଙ୍କୁ ନିଶା ନିବାରଣରେ ସାହାଯ୍ୟ କରିବାକୁ ଏକ ପ୍ରତିଶ୍ରୁତି ମଧ୍ୟ ଦେଇଥିଲେ। ଉଲ୍ଲେଖ ଥାଉ କି, ପୂର୍ବରୁ ରାଜ୍ୟ ସରକାର ନର୍ମଦା ନଦୀ କୂଳରେ ଏବଂ ପବିତ୍ର ସହରରେ ମଦ ବିକ୍ରି ଉପରେ ମଧ୍ୟ ବାରଣ କରିଥିଲେ।
କଟନୀରେ ଏକ କାର୍ଯ୍ୟକ୍ରମକୁ ସମ୍ବୋଧିତ କରି ମୁଖ୍ୟମନ୍ତ୍ରୀ କହିଛନ୍ତି ଯେ ଆମେ ମଧ୍ୟପ୍ରଦେଶକୁ ମଦ୍ୟପାନମୁକ୍ତ ରାଜ୍ୟ କରିବାକୁ ଚାହୁଁଛୁ। କେବଳ ମଦ୍ୟପାନ ଉପରେ ପ୍ରତିବନ୍ଧକ ଲଗାଇ ଏହା ସଫଳ ହେବ ନାହିଁ। ଯଦି ଲୋକମାନେ ମଦ୍ୟପାନ କରନ୍ତି ତେବେ ସେମାନେ ଯେକୌଣସି ସ୍ଥାନରୁ ମଦ୍ୟପାନ ଆଣିପାରିବେ। ଏଥିପାଇଁ ଆମେ ଏକ ମଦ୍ୟପାନ ମୁକ୍ତ ଅଭିଯାନ ଚଳାଇବୁ ଯାହା ଦ୍ବାରା ଲୋକମାନେ ମଦ୍ୟପାନ ବନ୍ଦ କରିବେ। ଏଥିପାଇଁ ଆମକୁ ଏକ ପ୍ରତିଶ୍ରୁତି ଦେବାକୁ ପଡିବ।