କେନ୍ଦୁଝର: ଭୂୟାଁ ଓ ଜୁଆଙ୍ଗ ପିଢ଼ ରେଞ୍ଜ ତଳ ଚଂପେଇ ପଂଚାୟତର ସିନ୍ଦୁରିଆ ଜଙ୍ଗଲରେ ଏକ ମାଈ ହାତୀକୁ ଆହତ ଅବସ୍ଥାରେ ବନ ବିଭାଗ ଉଦ୍ଧାର କରିଛି। ହାତୀର ବୟସ ପ୍ରାୟ ୫୦ ହେବ । ଜଙ୍ଗଲରେ ଛଅଟି ହାତୀ ଗତ କାଲି ଘୁରିବୁଲୁଥିବା ସ୍ଥାନୀୟ ଲୋକ ଦେଖିଥିଲେ। ତେବେ ସେମାନଙ୍କ ମଧ୍ୟରେ ଲଢେ଼ଇ ହେବାରୁ ବା ଅନ୍ୟ କୌଣସି କାରଣରୁ ଉକ୍ତ ମାଈ ହାତୀଟି ପାହାଡ଼ରୁ ଖସି ପଡିବା ଫଳରେ ଆହତ ହୋଇଥିବା ଆଶଙ୍କା କରାଯାଉଛି। ଖବର ପାଇ ବନ ବିଭାଗ କର୍ମଚାରୀ ପହଞ୍ଚି ହାତୀର ଚିକିତ୍ସା କରୁଥିବା ଜଣା ପଡିଛି । ଡିଏଫଓ କେନ୍ଦୁଝର ଅଜିତ ସତପଥି କହିଛନ୍ତି ଯେ ବୟସ ଅଧିକ କାରଣରୁ ହାତୀଟି ଅସୁସ୍ଥ ହୋଇ ପଡ଼ିଛି। ତେବେ ସଠିକ୍ କାରଣ ଚିକିତ୍ସା ପରେ ଜଣା ପଡ଼ିବ ।
Comments are closed.