ମୁମ୍ବାଇ: ଅଦନାନ୍ ସାମି ଭାରତର ସର୍ବୋତ୍ତମ ଗାୟକମାନଙ୍କ ମଧ୍ୟରୁ ଜଣେ। ଲଣ୍ଡନରେ ଜନ୍ମ ହୋଇଥିବା ଅଦନାନଙ୍କ ପିତା ଜଣେ ପଶତୁନ ହୋଇଥିବାବେଳେ ତାଙ୍କ ମାଆ ଜାମ୍ମୁ କାଶ୍ମୀରର ଥିଲେ। ସେ ତାଙ୍କର ସଂଗୀତ କ୍ୟାରିଅର୍ ୧୯୮୬ରେ ଆରମ୍ଭ କରିଥିଲେ। ବର୍ତ୍ତମାନ ପର୍ଯ୍ୟନ୍ତ ଅଦନାନଙ୍କ ବୃତ୍ତିଗତ ଜୀବନ ବହୁତ ଭଲ ଥିଲା କିନ୍ତୁ ତାଙ୍କ ବ୍ୟକ୍ତିଗତ ଜୀବନରେ ଅନେକ ଉତ୍ଥାନ ପତନର ସମ୍ମୁଖୀନ ହେବାକୁ ପଡିଥିଲା। ଅଦନାନଙ୍କ ପ୍ରଥମ ଏବଂ ଦ୍ୱିତୀୟ ବିବାହରେ ବହୁତ ଅସୁବିଧା ହୋଇଥିଲା ଏବଂ ଦୁଇଟି ବିବାହ ସମ୍ପର୍କ ବହୁତ ତିକ୍ତତାର ସହିତ ଶେଷ କରିବାକୁ ପଡିଥିଲା। ଏହାପରେ ସେ ତୃତୀୟ ଥର ବିବାହ କରିଥିଲେ ଏବଂ ଖୁସିରେ ଜୀବନ ଅତିବାହିତ କରୁଛନ୍ତି। ତେବେ ବର୍ତ୍ତମାନ ତାଙ୍କ ଜୀବନରେ ଏକ ଝଡ଼ ସୃଷ୍ଟି ହୋଇଛି। ତାଙ୍କର ପ୍ରଥମ ପତ୍ନୀ ତଥା ଅଭିନେତ୍ରୀ ଜେବା ବଖ୍ତିଆର୍ ଅଦନାନଙ୍କ ସହ ଥିବା ସମ୍ପର୍କ ଉପରେ ନୀରବତା ଭାଙ୍ଗିଛନ୍ତି ଏବଂ ତାଙ୍କ ସମ୍ପର୍କ କାହିଁକି ଭାଙ୍ଗିଥିଲା ସେନେଇ ବୟାନ ଦେଇଛନ୍ତି।
ଅଦନାନ୍ ସାମି ଏବଂ ଜେବା ବଖ୍ତିଆରଙ୍କର ବିବାହ କରିବାର କିଛି ଦିନ ପରେ ଏକ ପୁତ୍ର ସନ୍ତାନ ଅଜାନ୍ ଜନ୍ମ ହେଲା। ୧୯୯୩ ମସିହାରେ ଅଦନାନ୍ ସାମି ଏବଂ ଜେବା ବଖ୍ତିଆରଙ୍କର ଛାଡପତ୍ର ହୋଇଥିଲା। ଅବଶ୍ୟ, ଉଭୟଙ୍କ ଏହି ସମ୍ପର୍କ ଅଧିକ ଦିନ ରହିଲା ନାହିଁ ଏବଂ ଦୁହେଁ ପରସ୍ପରଠାରୁ ଛାଡପତ୍ର ନେଇଥିଲେ। ଏହାର କାରଣ କେବେ ମଧ୍ୟ ପ୍ରକାଶ କରାଯାଇ ନଥିଲା। କିନ୍ତୁ ଏବେ ଜେବା ମୁହଁ ଖୋଲିଛନ୍ତି। ସେ କହିଛନ୍ତି, ‘ଯେତେବେଳେ ମୁଁ ଅଦନାନଙ୍କୁ ବିବାହ କରିଥିଲି, ସେତେବେଳେ ମୁଁ କିଛି ଫିଲ୍ମର ସୁଟିଂ କରୁଥିଲି। ସେତେବେଳେ ମୁଁ ମୋର ଅଭିନୟ କ୍ୟାରିୟର ଜାରି ରଖିବାକୁ ଆଗ୍ରହୀ ନଥିଲି। ମୁଁ ଚଳଚ୍ଚିତ୍ର ଲେଖିବାକୁ ଏବଂ ପ୍ରଡ୍ୟୁସ୍ କରିବାକୁ ଚାହୁଁଥିଲି। ମୁଁ ଅଭିନୟରେ ମଧ୍ୟ ସକ୍ରିୟ ନଥିଲି। ତା’ପରେ ମୁଁ ଅଦନାନଙ୍କୁ ବିବାହ କଲି ଏବଂ ଅଜାନ୍ ଜନ୍ମ ହେଲା। ଏହି ସଂପର୍କରେ ମୁଁ ମୋର ସମୟକୁ ସଂପୂର୍ଣ୍ଣ ଭାବେ ଉତ୍ସର୍ଗ କରୁଥିଲି, କିନ୍ତୁ ସେତେବେଳେ ଏହି ସମ୍ପର୍କ ଆଗକୁ ବଢିପାରିଲା ନାହିଁ। ତେଣୁ ମୁଁ ଫିଲ୍ମ ପ୍ରଡକ୍ଶନ ଉପରେ ଧ୍ୟାନ ଦେଇ ଅନ୍ୟାନ୍ୟ ପ୍ରଜେକ୍ଟ କରିବା ଆରମ୍ଭ କଲି।
ମୁଁ ବଡ ସମସ୍ୟାର ସାମ୍ନା କରିଛି ଯାହା ମୋର ମନେ ନାହିଁ କିନ୍ତୁ ମୁଁ ଖୁସି ଯେ ମୋତେ ମୋ ପୁଅ ଅଜାନ ସମର୍ଥନ କରୁଛି। ମୁଁ ୧୮ ମାସ ପର୍ଯ୍ୟନ୍ତ କଷ୍ଟଡି ଲଢିଥିଲି। ମୁଁ ସେହି ସମୟରେ କାମ କରୁନଥିଲି। ତା’ପରେ ମୋର ସାଙ୍ଗମାନେ ମୋତେ ନିଜ ପାଇଁ କାମ କରିବାକୁ କହିଥିଲେ। ସେଠାରେ ଜଣେ ବନ୍ଧୁ ଥିଲେ ଯିଏ ଇଂଲଣ୍ଡରେ ଏକ ସିରିଏଲ କରୁଥିଲେ ଏବଂ ମୁଁ ସେହି ସୋ’ରେ ଯୋଗ ଦେଇଥିଲି। ମୁଁ ଏହାର ସୁଟିଂ ପାଇଁ କିଛି ମାସ ପାଇଁ ଲଣ୍ଡନ ଯାଇଥିଲି।’