ମୁମ୍ବାଇ: ଅନୁରାଗ କାଶ୍ୟପ ଖୁବ ଶୀଘ୍ର ସନ୍ନି ଲିୟୋନୀଙ୍କୁ ନେଇ ଏକ ଫିଲ୍ମ କରିବାକୁ ଯାଉଛନ୍ତି । ଏଥିନେଇ ଉଭୟଙ୍କ ମଧ୍ୟରେ ବୁଝାମଣା ହୋଇଛି । ଅନୁରାଗଙ୍କ ସହ ସନ୍ନି ଏକ ଫଟୋ ଶେୟାର କରି କହିଛନ୍ତି, ମୋ ସ୍ୱପ୍ନ ସାକାର ହେବାକୁ ଯାଉଛି । ଅନୁରାଗଙ୍କ ଭଳି ଜଣେ ନିର୍ଦ୍ଦେଶକଙ୍କ ଫିଲ୍ମ କରିବା ନେଇ ମୁଁ ବ୍ୟଗ୍ରତା ସହକାରେ ଅପେକ୍ଷା କରିଥିଲି ବୋଲି ସେ କହିଛନ୍ତି । ଅନୁରାଗ ମଧ୍ୟ ସନ୍ନି ଜଣେ ଅଦ୍ଭୁତ କଳାକାର ବୋଲି କହିଛନ୍ତି । ତେବେ ଏହି ଫିଲ୍ମର ଚୂଡାନ୍ତ ରୂପରେଖ ପ୍ରସ୍ତୁତ ହେଲେ ପ୍ରଶଂସକଙ୍କୁ ଜଣାଇ ଦିଆଯିବ ବୋଲି ଅନୁରାଗ କହିଛନ୍ତି । ସନ୍ନି ଏବଂ ତାଙ୍କ ପତି ଡାନିୟଲଙ୍କ ସହ ଅନୁରାଗ ଏକ ଫଟୋ ମଧ୍ୟ ଶେୟାର କରିଛନ୍ତି । ଜିସ୍ମ ୨, ଜ୍ୟାକପଟ, ରାଗିନୀ ଏମଏମଏସ୨, ଏକ ପହେଲୀ ଲୀଲା, କୁଛ କୁଛ ଲୋଚା ହେ, ମସ୍ତୀଜାଦା ପରି ଫିଲ୍ମରେ ସନ୍ନି ଅଭିନୟ କରି ସାରିଛନ୍ତି । ସନ୍ନିଙ୍କ ପ୍ରକୃତ ନାମ କରନଜିତ କୌର । ସେ ୨୦୧୧ରେ କାନାଡାରୁ ମୁମ୍ବାଇ ଆସିଥିଲେ । ମହେଶ ଭଟ୍ଟ ତାଙ୍କୁ ଜିସ୍ମ ୨ ମାଧ୍ୟମରେ ବଲିଉଡରେ ସୁଯୋଗ ଦେଇଥିଲେ ।
Comments are closed.