ବାଲେଶ୍ୱର: ଓଡିଶାରେ ଭୟଙ୍କର ଟ୍ରେନ ଦୁର୍ଘଟଣା, ଯାହାକୁ ଭାରତ ଇତିହାସରେ ସବୁଠାରୁ ଭୟଙ୍କର ଘଟଣା ବୋଲି କୁହାଯାଉଛି। ଏଥିରେ ୨୩୮ ଜଣଙ୍କ ଜୀବନ ଯାଇଥିବା ବେଳେ ପ୍ରାୟ ୯୦୦ ଲୋକ ଆହତ ହୋଇଥିବା ରେଳବାଇ ପକ୍ଷରୁ କୁହାଯାଉଛି। ଏହି ଦୁଃଖଦ ଘଟଣା ମଧ୍ୟରେ ଜଣେ ବଞ୍ଚିଯାଇଥିବା ବ୍ୟକ୍ତି ଟ୍ୱିଟରରେ ନିଜର ଅନୁଭୂତି ସେୟାର କରିଛନ୍ତି।
ହାଓ୍ୱଡ଼ାରୁ ଚେନ୍ନାଇ ଯାଉଥିବା କରମଣ୍ଡଳ ଏକ୍ସପ୍ରେସରେ ଯାତ୍ରା କରୁଥିବା ଅନୁଭବ ଦାସ ଏଥିରୁ ରକ୍ଷା ପାଇଥିବାରୁ କୃତଜ୍ଞତା ପ୍ରକାଶ କରିବା ସହ ଏହାକୁ ଟ୍ରେନ୍ ଦୁର୍ଘଟଣା ଜନିତ ଅନ୍ୟତମ ଗୁରୁତ୍ୱପୂର୍ଣ୍ଣ ଘଟଣା ବୋଲି ବର୍ଣ୍ଣନା କରିଛନ୍ତି। ଏହି ଘଟଣା କିପରି ଘଟିଲା ସେ ବିଷୟରେ ବିସ୍ତୃତ ଭାବେ ବର୍ଣ୍ଣନା କରିଛନ୍ତି।
ଅନୁଭବ ଦାସଙ୍କ କହିବାନୁସାରେ, ଏହି ଦୁର୍ଘଟଣାରେ ତିନୋଟି ଟ୍ରେନ୍ ସାମିଲ ଥିଲା। କରମଣ୍ଡଳ ଏକ୍ସପ୍ରେସ୍ ୧୨୮୪୧, ଯଶବନ୍ତପୁର-ହାଓଡ଼ା ଏକ୍ସପ୍ରେସ, ଏବଂ ଏକ ମାଲବାହୀ ଟ୍ରେନ୍। ତାଙ୍କର ପ୍ରାଥମିକ ଅନୁଧ୍ୟାନରୁ ଜଣାପଡ଼ିଛି ଯେ କରମଣ୍ଡଳ ଏକ୍ସପ୍ରେସ୍ ଲାଇନଚ୍ୟୁତ ହୋଇ ଅନ୍ୟ ଏକ ଟ୍ରାକରେ ଛିଡ଼ା ହୋଇଥିବା ମାଲବାହୀ ଟ୍ରେନ୍ ସହ ଧକ୍କା ହୋଇଥିଲା।
ତାଙ୍କ ଟ୍ୱିଟରେ ଅନୁଭବ ଦାସ ଆହୁରି ସ୍ପଷ୍ଟ କରିଛନ୍ତି, ପରବର୍ତ୍ତୀ ସମୟରେ, ଲାଇନଚ୍ୟୁତ ହୋଇଥିବା ବଗିଗୁଡିକ ପାଖ ରେଳ ଧାରଣାରେ ଆସୁଥିବା ଯଶବନ୍ତପୁର ଏକ୍ସପ୍ରେସକୁ ଧକ୍କା ଦେଇଥିଲା। ଯଶବନ୍ତପୁର ଏକ୍ସପ୍ରେସର ତିନୋଟି ଜେନେରାଲ ବଗି ସମ୍ପୂର୍ଣ୍ଣ ନଷ୍ଟ ହୋଇ ଲାଇନଚ୍ୟୁତ ହୋଇଛି। କରମଣ୍ଡଳ ଏକ୍ସପ୍ରେସର ଜେନେରାଲ, ସ୍ଲିପର, ଏସି ୩ ଟାୟାର, ଏସି ୨ ଟାୟାର ସମେତ ପ୍ରାୟ ୧୩ଟି ବଗି ଗୁରୁତର ଭାବେ କ୍ଷତିଗ୍ରସ୍ତ ହୋଇଛି।
As a passenger on the Coromandel Express from Howrah to Chennai, I am extremely thankful to have escaped unscathed. It probably is the biggest train accident related incident. Thread of how the incident unfolded 1/n
— Anubhav Das (@anubhav2das) June 2, 2023
ଏହି ଲୋମହର୍ଷଣକାରୀ ଘଟଣା ବର୍ଣ୍ଣନା କରୁଛି ଯେ ଏ ଦୁର୍ଘଟଣା କେତେ ଭୟଙ୍କର ଥିଲା। ଅନୁଭବ ଦାସ କହିଛନ୍ତି, ମୁଁ ବ୍ୟକ୍ତିଗତ ଭାବେ ୨୦୦-୨୫୦ରୁ ଅଧିକ ମୃତ୍ୟୁର ସାକ୍ଷୀ ଥିଲି। କ୍ଷତବିକ୍ଷତ ପରିବାର, ଅଙ୍ଗହୀନ ଶବ, ଟ୍ରେନ ଲାଇନରେ ରକ୍ତର ଛିଟା ଦେଖିଛି। ଏହା ଏମିତି ଏକ ଦୃଶ୍ୟ ଥିଲା ଯାହାକୁ ମୁଁ କେବେବି ଭୁଲିପାରିବି ନାହିଁ। ଭଗବାନ ମୃତକ ଏବଂ ଆହତଙ୍କ ପରିବାରକୁ ସାହାଯ୍ୟ କରନ୍ତୁ।
ଘଟଣାସ୍ଥଳରେ ଉପସ୍ଥିତ ଥିବା ଜଣେ ସ୍ଥାନୀୟ ଲୋକ ଦାବି କରିଛନ୍ତି ଯେ ଆମେ ନିଶ୍ଚିତ ଯେ ଟ୍ରେନ୍ ଦୁର୍ଘଟଣାରେ ହଜାରେରୁ ଅଧିକ ଲୋକଙ୍କର ମୃତ୍ୟୁ ଘଟିଛି। ଏଭଳି ଏକ ବଡ଼ ଧରଣର ଦୁର୍ଘଟଣା ପାଇଁ ରେଳ ବିଭାଗକୁ ଦାୟୀ କରାଯାଇଛି।