ନୂଆଦିଲ୍ଲୀ: କଂଗ୍ରେସର ସିନିୟର ନେତା ତଥା ଏମପି ଶଶି ଥରୁରଙ୍କୁ ଫ୍ରାନ୍ସର ସର୍ବୋଚ୍ଚ ନାଗରିକ ସମ୍ମାନ ପ୍ରଦାନ କରାଯାଇଛି । ତାଙ୍କୁ ଡେ ଲା ଲିଜନ ଡିରେ ସମ୍ମାନିତ କରାଯିବ । ଏହି ଖବର ପ୍ରସାରିତ ହେବା ପରେ ବିଭିନ୍ନ ମହଲରୁ ତାଙ୍କ ପ୍ରତି ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ଲେଖା ଏବଂ ଭାଷଣ ପାଇଁ ଫ୍ରାନ୍ସ ସରକାର ତାଙ୍କୁ ଏହି ସମ୍ମାନ ପ୍ରଦାନ କରିଛନ୍ତି । ୨୦୧୦ରେ ସ୍ପେନ ସରକାରଙ୍କ ପକ୍ଷରୁ ମଧ୍ୟ ତାଙ୍କୁ ସମ୍ମାନିତ କରାଯାଇଥିଲା । ଥିରୁୱନ୍ତପୁରମରୁ ସେ ୨ ଥର ଏମପି ହୋଇଛନ୍ତି । ତାଙ୍କର ଅନେକ ପୁସ୍ତକ ବିଶ୍ୱରେ ଆଦୃତ ହୋଇଛି । ସୋସିଆଲ ସାଇଟରେ କଷ୍ଟ ଇଂରାଜୀ ଶବ୍ଦ ଛାଡବା ଏବଂ ବିବାଦୀୟ ମନ୍ତବ୍ୟ ଦେଇ ସେ ସର୍ବଦା ଚର୍ଚ୍ଚାରେ ରହିଥାନ୍ତି । ଥରୁର ମଧ୍ୟ ଏହି ସମ୍ମାନ ପ୍ରଦାନ କରାଯିବା ନେଇ ଫ୍ରାନ୍ସ ସରକାରଙ୍କୁ ଧନ୍ୟବାଦ ଜଣାଇଛନ୍ତି ।
Comments are closed.