ଶ୍ରୀନଗର ପୋଲିସ ଏନ୍‌କାଉଣ୍ଟରରେ ୨ ଆତଙ୍କବାଦୀ ନିହତ

ଭୁବନେଶ୍ୱର: ଆତଙ୍କବାଦୀଙ୍କ କାଳ ସାଜିଛି ଶ୍ରୀନଗର ପୋଲିସ । ଆଜି ହରୱାନ୍ ଅଂଚଳରେ ପୋଲିସ ଏନକାଉଣ୍ଟରରେ ଦୁଇଜଣ ଆତଙ୍କବାଦୀ ନିହତ ହୋଇଥିଲେ । ନିହତ ଆତଙ୍କବାଦୀଙ୍କ ମଧ୍ୟରେ ଲସ୍କର-ଏ-ତୋଏବାର ଜଣେ ମୋଷ୍ଟ ୱାଣ୍ଟେଡ ଆତଙ୍କବାଦୀ ଥିବା ସୂଚନା ମିଳିଛି ।

ନିହତ ଆତଙ୍କବାଦୀ ଜଣକ କୁଖ୍ୟାତ ତଥା ମୋଷ୍ଟ ୱାଣ୍ଟେଡ୍ ସଲିମ୍ ପରେ ବୋଲି ଖୋଦ ଶ୍ରୀନଗର ପୋଲିସ ଏକ ଟୁଇଟ୍ ଜରିଆରେ ସ୍ପଷ୍ଟ କରିଛି । ଆତଙ୍କବାଦୀ ନିହତ ଘଟଣାକୁ ନେଇ କଶ୍ମୀର ଜୋନ୍ ଆଇଜିପି ବିଜୟ କୁମାର ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଥିଲେ ।

Srinagar police neutralised dreaded #terrorist of proscribed #terror outfit LeT Salim Parray along with one FT: IGP Kashmir@JmuKmrPolice

— Kashmir Zone Police (@KashmirPolice) January 3, 2022

ବର୍ତ୍ତମାନ ସୁଦ୍ଧା ନିହତ ଆତଙ୍କବାଦୀଙ୍କୁ ନେଇ ଅଧିକ କିଛି ସୂଚନା ସାମ୍ନାକୁ ଆସିନି । ତେବେ ଅନ୍ୟ ଜଣେ ମୃତ ଆତଙ୍କବାଦୀର ପରିଚୟକୁ ପୋଲିସ ଗୁପ୍ତ ରଖିବା ଘଟଣା ସାଧାରଣ ଲୋକଙ୍କ ମନରେ କୌତୁହଳ ସୃଷ୍ଟି କରିଛି । ଏନକାଉଣ୍ଟର୍ ପରେ ନାଇଟ୍ ପେଟ୍ରୋଲିଂକୁ କଡାକଡି କରାଯାଇଥିବା ଜଣାପଡିଛି ।