ଲାଉ ତୁମ୍ବାରୁ ସ୍ଵତନ୍ତ୍ର ପରିଚୟ

ରାୟଗଡା : ଡଙ୍ଗର ମୁଲକର ହଜିଯାଇଥିବା ଲାଉ ତୁମ୍ବା ଏବେ ନିଜ ସ୍ଵତନ୍ତ୍ର ପରିଚୟ ସୃଷ୍ଟି କରିବାକୁ ଯାଉଛି । ଲାଉ ତୁମ୍ବାର ବହୁଳ ଵ୍ୟଵହାର ଲୋପ ପାଇ ଯାଉଥିବା ବେଳେ ଏବେ ତାକୁ ଜୀବନ୍ତ କରି ନୂଆ ଦିଗ ଦେଇଛନ୍ତି ରାୟଗଡା ସହରର ଶିଳ୍ପୀ ହିମାଂଶୁ ଶେଖର ପାଣ୍ଡିଆ । ବିଭିନ୍ନ କଳାକୃତିର ଚିତ୍ର ସହିତ ଘର ସାଜସଜା ପାଇଁ ବିଭିନ୍ନ ମୂର୍ତ୍ତି ସବୁ ଗଢିଛନ୍ତି । ବୈଠକ ଘରେ ଶୋଭା ବଢାଉଛି ଦିନେ ସମସ୍ତଙ୍କର ଅଦରକାରୀ ଥିବା ଜଙ୍ଗଲି ଲାଉ ତୁମ୍ବା । ଏବେ ଏହି ଲାଉ ତୁମ୍ବା ବ୍ୟବସାୟର ଏକ ପ୍ରମୁଖ ମାଧ୍ୟମ ପାଲଟି ଥିବାବେଳେ ଦେଶ ବିଦେଶରେ ଚାହିଦା ଧିରେ ଧିରେ ବଢିବାରେ ଲାଗିଛି ।