ଭୁବନେଶ୍ୱର: ବୀରତ୍ୱର ଗାଥା କହିଲେ ଭୁଲ ହେବନି । ଚିତାବାଘ କବଳରୁ ନିଜ ଜନ୍ମକଲା ୮ ବର୍ଷର ଛୁଆକୁ ବଂଚାଇ ଆଣିଲା ସାହସୀ ମାଆ । କୌଣସି ଫିଲ୍ମରେ ଏହି ଦୃଶ୍ୟ ହୁଏ ତ ସାଧାରଣ ଲାଗିପାରେ । ହେଲେ ଅସଲ ଜୀବନରେ ଏହି ଘଟଣା ଦେଖିବା ତ ଦୂରର କଥା କଳ୍ପନା କଲେ ମଧ୍ୟ ଦେହ ଶୀତେଇ ଉଠେ ।
ମଧ୍ୟପ୍ରଦେଶ ବଡି ଝରିଆ ଗାଁର ଜଣେ ଆଦିବାସୀ ମହିଳା ଦେଖାଇଥିଲେ ଅଦମ୍ୟ ସାହସ । ସିଦ୍ଧି ଜିଲ୍ଲା ସଂଜୟ ଟାଇଗର ରିଜର୍ଭ ଅଧିନରେ ଥିବାରୁ ଏଠାରେ ବାଘ ଓ ଅନ୍ୟାନ୍ୟ ହିଂସ ଜୀବଜନ୍ତୁ ଦେଖାଯିବା କିଛି ନୂଆ କଥା ନୁହେଁ । ଗତ ରବିବାର ରାତିରେ ଆଦିବାସୀ ମହିଳା କିରନ ଶୀତ ଦାଉରୁ ରକ୍ଷା ପାଇବା ଲାଗି ନିଜ ତିନିଛୁଆଙ୍କୁ ଧରି ନିଆଁ ପାଖରେ ବସିଥିଲେ । ସେହି ସମୟରେ ଗୋଟିଏ ଚିତିବାଘ ହଠାତ୍ ଆସି ଆଖି ପିଛୁଳାକେ ତାଙ୍କ ପୁଅ ରାହୁଲକୁ କାମୁଡି ଧରି ଜଙ୍ଗଲକୁ ଦୌଡି ପଳାଇଥିଲା ।
काल के हाथों से बच्चे को निकाल कर नया जीवन देने वाली मां को प्रणाम। प्रदेश के सीधी जिले में तेंदुए का एक किमी दूर पीछा कर मां अपने कलेजे के टुकड़े के लिए उससे भिड़ गईं। मौत से टकराने का ये साहस ममता का ही अद्भुत स्वरूप है। मां श्रीमती किरण बैगा का प्रदेशवासियों की तरफ से अभिनंदन। pic.twitter.com/46Uuc0srx0
— Shivraj Singh Chouhan (@ChouhanShivraj) November 30, 2021
ସେହି ସମୟରେ କିରନ୍ ନିଜ ମାନସିକ ଭାରସାମ୍ୟ ରକ୍ଷା କରି ଅନ୍ୟ ଦୁଇ ଛୁଆଙ୍କୁ ଘରେ ଛାଡିଦେଇ ରାତିର ଅନ୍ଧାରରେ ଜଙ୍ଗଲ ମଧ୍ୟରେ ଚିତାବାଘର ପିଛା କରିଥିଲେ । ବନ ବିଭାଗର ରିପୋର୍ଟ ଅନୁଯାୟୀ ପ୍ରାୟ ୧ କି.ମି ଧରି କିରନ ଚିତାବାଘର ପିଛା କରିଥିଲେ । ବହୁକଷ୍ଟରେ ସେ ଚିତାବାଘକୁ ଏକ ବୁଦାମୂଳେ ଠାବ କରିବାରେ ସଫଳ ହୋଇଥିଲେ । ଚିତାବାଘ କବଳରେ ନିଜ ଛୁଆକୁ ଦେଖି କିରନ ଭୟଭୀତ ନହୋଇ ଏକ ବାଡି ସହାୟତାରେ ଚିତାବାଘକୁ ଭୟଭୀତ କରାଇବାକୁ ଚେଷ୍ଟା କରିଥିଲେ ।
ଚିତାବାଘ ଭୟଭୀତ ହୋଇ ରାହୁଲକୁ ଛାଡିଦେବା ପରେ କିରନ ପୁଅ ରାହୁଲକୁ ଜାବୁଡି ଧରିଥିଲେ । ହେଲେ ପର ମୁହୁତ୍ତ୍ୱର୍ରେ ଚିତାବାଘ ପୁଣିଥରେ ଆକ୍ରମଣ କରିବାକୁ ଚେଷ୍ଟା କରିଥିଲା । ହେଲେ କିରନ କୌଣସି ମତେ ନିଜ ଛୁଆକୁ ହାତଛଡା କରିନଥିଲେ । ସେହି ସମୟରେ କିରନଙ୍କ ଚିତ୍କାର ଶୁଣି ଗାଁ ଲୋକେ ଜଙ୍ଗଲରେ ପହଂଚିବା ପରେ ଚିତାବାଘ ଚମ୍ପଟ୍ ମାରିଥିଲା ।
ରାହୁଲର ଆଖି, ପିଠି ଓ ଗାଲରେ ଆଘାତ ଲାଗିଥିଲାବେଳେ କିରନ ସାମାନ୍ୟ ଆହତ ହୋଇଥିବା ସୂଚନା ରହିଛି । ସ୍ଥାନୀୟ ବନ ବିଭାଗ ରେଂଜର ଅସିମ ଭୁରିୟା ଦୁହିଁଙ୍କୁ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ଏହି ଘଟଣାକୁ ନେଇ ଉଭୟ ବନବିଭାଗ କର୍ମଚାରୀ ଓ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କିରନଙ୍କ ସାହାସିକତାକୁ ପ୍ରଶଂସା କରିଛନ୍ତି ।