ସକାଳୁ ଉଠିଲେ ମହିଳା ମାନଙ୍କ ପ୍ରଥମ ଚିନ୍ତା ନିଜ ସୌନ୍ଦର୍ଯ୍ୟର ସୁରକ୍ଷା । ବୟସ ତ ବଢ଼ିବ କିନ୍ତୁ ତା’ ସତ୍ତ୍ୱେ କିପରି ନିଜର ସୁନ୍ଦରତା ବଜାୟ ରଖିପାରିବେ ସେନେଇ ସଭିଏଁ ତତ୍ପର । ଏମିତି ତ ପ୍ରତ୍ୟେକ ଶୁଭ କାମରେ ହଳଦୀର ବ୍ୟବହାର କଥା ଆମେ ସମସ୍ତେ ଜାଣୁ । ଏତଦ୍ବ୍ୟତୀତ ହଳଦୀର ଅନ୍ୟାନ୍ୟ ଉପଯୋଗୀତା କଥା ସମ୍ପର୍କରେ ବିଶେଷ ମାତ୍ରାରେ ଧ୍ୟାନ ଦେଉନାହୁଁ ।ହଳଦୀର ବ୍ୟବହାର ତ୍ୱଚାର ସୌନ୍ଦର୍ଯ୍ୟ ଓ କୋମଳତାକୁ ବଜାୟ ରଖିବାରେ ସହାୟକ ହୋଇଥାଏ । କେବଳ ସେତିକି ନୁହେଁ, ଏହାକୁ ସ୍କ୍ରବ୍ ଭାବରେ ବ୍ୟବହାର କରିଲେ ତ୍ୱଚାରେ ଥିବା ରୁକ୍ଷତା ଦୂର ହୋଇଥାଏ ।
ହଳ ଦୀ ସହିତ ନଡ଼ିଆ ରସ ଓ ମହୁ ମିଶାଇ ମୁହଁରେ ଲଗାଇ କିଛି ସମୟ ପରେ ଧୋଇଦେଲେ ଉଜ୍ଜ୍ୱଳତା ବୃଦ୍ଧି ପାଇବା ସହିତ ସଫା ଦେଖାଯାଏ । ଏହା ଡ୍ରାଏ ସ୍କିନ୍ ପାଇଁ ବହୁତ ଭଲ କାମ ଦେଇଥାଏ । କିନ୍ତୁ ହଳଦୀ ଲଗାଇବା ବେଳେ ଦୁଇଟି କଥା ପ୍ରତି ବିଶେଷ ଧ୍ୟାନ ଦିଅନ୍ତୁ । ହଳଦୀ ଲଗାଇବା ସମୟରେ ଗାଢ଼ ରଙ୍ଗର ପୋଷାକ ପିନ୍ଧି ରଖନ୍ତୁ । ଐହା ଫଳରେ ହଳଦୀର ରଙ୍ଗ ପୋଷାକରେ ଲାଗିଲେ ଜଣାପଡ଼ିବ ନାହିଁ ।
ବଜାରରେ ସାଧାରଣ ହଳଦୀଗୁଣ୍ଡର ବ୍ୟବହାର ନକରି ଅରଗାନିକ୍ ବ୍ୟବହାର କରନ୍ତୁ । ନଡ଼ିଆ ରସ, ଅରଗାନିକ୍ ହଳଦୀ ଗୁଣ୍ଡ, ମହୁ ଓ ନଡ଼ିଆ ତେଲକୁ ଗୋଟିପାତ୍ରରେ ମିଶାଇ ହାଲ୍କା ଗରମ କରନ୍ତୁ । ସବୁ ଉପାଦାନ ଭଲ ଭାବରେ ମିଶିଗଲା ପରେ ଏହାକୁ ଏକ କାଚ ପାତ୍ରରେ ଢାଳି ରଖନ୍ତୁ । ଥଣ୍ଡା ହେଲା ପରେ ମୁହଁରେ ଲଗାନ୍ତୁ । ଲଗାଇବାର ପାଞ୍ଚରୁ ସାତ ମିନିଟ୍ ପରେ ଉଷୁମ ପାଣିରେ ମୁହଁକୁ ଧୋଇ ଦିଅନ୍ତୁ । ତା’ପରେ ମୁହଁକୁ ପୁଣି ଥଣ୍ଡା ପାଣିରେ ଧୋଇ ଦିଅନ୍ତୁ ।ଏହାପରେ ଆପଣ ମୁହଁରେ ଉଜ୍ଜ୍ୱଳତାକୁ ନିଜେ ଅନୁଭବ କରିପାରିବେ ।
