କରୋନା ସଙ୍କଟରେ ନୂଆ ଆଶା; କାଲି ମନୁଷ୍ୟ ଦେହରେ କୋଭିଡ୍-୧୯ ଭାକ୍ସିନ୍ ପରୀକ୍ଷା କରିବ ଇଂଲଣ୍ଡ !
ଲଣ୍ଡନ: ଗୁରୁବାରଠୁ ମଣିଷଙ୍କ ଉପରେ କରୋନାଭାଇରସ୍ ଟିକା ପରୀକ୍ଷଣ ଆରମ୍ଭ କରିବ ଇଂଲଣ୍ଡ । ଏ ନେଇ ଏକ ପ୍ରେସ୍ କନଫେରେନ୍ସ ଜରିଆରେ ଘୋଷଣା କରିଛନ୍ତି ଇଂଲଣ୍ଡର ସ୍ୱାସ୍ଥ୍ୟ ସଚିବ ମ୍ୟାଟ୍ ହାଙ୍କୋକ୍ ।
Human trials for a vaccine developed by the University of Oxford will begin this Thursday, the UK government has announced
Health Secretary Matt Hancock says “in normal times reaching this stage would take years”https://t.co/oMrxAX9n59 pic.twitter.com/AWsXRJpMvZ
— BBC News (UK) (@BBCNews) April 21, 2020
ପ୍ରେସ୍ କନଫେରେନ୍ସ ଅବସରରେ ମ୍ୟାଟ୍ କହିଥିଲେ କରୋନାଭାଇରସ୍ ବିରୋଧରେ ଇଂଲଣ୍ଡର ଉଦ୍ୟମ ସଫଳ ହୋଇଛି । ଆଗକୁ ଯାଇ ଭ୍ୟାକ୍ସିନ୍ ଜରିଆରେ କୋଭିଡ-୧୯କୁୁ ପରାସ୍ତ କରିହେବ । ଭ୍ୟାକ୍ସିନ୍ ପାଇଁ ଅନ୍ୟ ଦେଶମାନଙ୍କ ଅପେକ୍ଷା ଇଂଲଣ୍ଡ ସବୁଠୁ ଅଧିକ ଟଙ୍କା ଖର୍ଚ୍ଚ କରିବା ସହ ଦିନରାତି ଅନୁସନ୍ଧାନ ଚଳାଇଥିଲା ।
ବିବିସି ନ୍ୟୁଜ ରିପୋର୍ଟ ଅନୁଯାୟୀ ଅକ୍ସଫୋର୍ଡ ୟୁନିଭର୍ସିଟି ଦ୍ୱାରା ପ୍ରସ୍ତୁତ ଭ୍ୟାକ୍ସିନ୍ କାଲି ମନୁଷ୍ୟଙ୍କ ଉପରେ ପରୀକ୍ଷଣ ହେବ । ଭ୍ୟାକ୍ସିନ୍ ବାବଦକୁ ପ୍ରାରମ୍ଭିକ ପର୍ଯ୍ୟାୟରେ ଇଂଲଣ୍ଡ ୨୦ ମିଲିଅନ ପାଉଣ୍ଡ ଅକ୍ସଫୋର୍ଡ ୟୁନିଭର୍ସିଟିକୁ ଦେବ ଓ ପରେ ୨୦.୫ ମିଲିଅନ ପାଉଣ୍ଡ ଇମ୍ପେରିଆଲ୍ କଲେଜରେ ବିନିଯୋଗ କରିବ ।
ତେବେ ଯଦି ଇଂଲଣ୍ଡର ଭ୍ୟାକ୍ସିନ୍ ପରୀକ୍ଷା ସଫଳ ହେବ ସାରା ବିଶ୍ୱ ଯେ ଏଥିରେ ଉପକୃତ ହେବେ ଏଥିରେ କୌଣସି ସନ୍ଦେହ ନାହିଁ ।