ନୂଆଦିଲ୍ଲୀ: କିଙ୍ଗଫିସର୍ ଏୟାରଲାଇନ୍ସ ଲିମିଟେଡର ମାଲିକ ତଥା ମଦ ବ୍ୟବସାୟୀ ବିଜୟ ମାଲ୍ୟାଙ୍କୁ ସୁପ୍ରିମକୋର୍ଟ ଆଉ ଏକ ଝଟ୍କା ଦେଇଛନ୍ତି। ୟୁନାଇଟେଡ୍ ବ୍ରୁରିଜ୍ ହୋଲ୍ଡିଂ ଲିମିଟେଡ୍ ପକ୍ଷରୁ କର୍ଣ୍ଣାଟକ ହାଇକୋର୍ଟଙ୍କ ଦାଖଲ ହୋଇଥିବା ଆବେଦନକୁ ସୋମବାର ସୁପ୍ରିମକୋର୍ଟ ପ୍ରତ୍ୟାଖ୍ୟାନ କରିଛନ୍ତି।
ଶୁଣାଣି ସମୟରେ ଜଷ୍ଟିସ୍ ୟୁୟୁ ଲଲିତ ଏବଂ ଅଶୋକ ଭୂଷଣଙ୍କ ଏକ ଖଣ୍ଡପୀଠରେ ବିଜୟ ମାଲ୍ୟାଙ୍କ କମ୍ପାନୀକୁ କୌଣସି ପ୍ରକାରେ ସହାୟତା ଦେବାକୁ ମନା କରିଦିଆଯାଇଛି। ଏହା ସହ ଏସବିଆଇର ନେତୃତ୍ୱାଧୀନ ବ୍ୟାଙ୍କଗୁଡିକର କନ୍ସୋର୍ଟିୟମର ପ୍ରତିନିଧିତ୍ୱ କରୁଥିବା ବରିଷ୍ଠ ଆଡଭୋକେଟ ମୁକୁଲ ରୋହତଗୀ ସୁପ୍ରିମକୋର୍ଟଙ୍କୁ କହିଛନ୍ତି ଯେ ବିଜୟ ମାଲ୍ୟାଙ୍କ ଠାରୁ ଏପର୍ଯ୍ୟନ୍ତ ୩୬୦୦ କୋଟି ଟଙ୍କା ଆଦାୟ ହୋଇଥିବାବେଳେ ୧୧,୦୦୦ କୋଟି ଟଙ୍କା ବିଜୟ ମାଲ୍ୟାଙ୍କଠାରୁ ଆଦାୟ ହେବା ବାକି ଅଛି।
Comments are closed.