ନୂଆଦିଲ୍ଲୀ: ବ୍ଲଡ ଗ୍ରୁପ କହିବ ଆପଣଙ୍କ ବ୍ୟକ୍ତିତ୍ୱ । ନିକଟରେ ବୈଜ୍ଞାନିକମାନଙ୍କ ଏକ ଗବେଷଣାରେ ଏହି ତଥ୍ୟ ଉଜାଗର ହୋଇଛି । ବିଭିନ୍ନ ବ୍ଲଡ ଗ୍ରପକୁ ନେଇ ସେମାନେ ଗବେଷଣା କରିବା ପରେ ସେମାନେ ଏହି ତଥ୍ୟ ପ୍ରଦାନ କରିଛନ୍ତି । ଏ ଗ୍ରୁପ ବ୍ଲଡର ବ୍ୟକ୍ତି ଧୈର୍ଯ୍ୟବାନ, ବିଚାରଶୀଳ ଓ ଦାୟିତ୍ୱସମ୍ପନ୍ନ ହୋଇଥାନ୍ତି । ସେମାନେ ସମୟ ଅନୁସାରେ ସମସ୍ତ କାର୍ଯ୍ୟ ସୂଚାରୁରୂପେ କରିଥାନ୍ତି । ଏକତ୍ର ରହିବାକୁ ଏମାନେ ଭଲ ପାଇବା ସହ ଅନ୍ୟର ଆଦର୍ଶ ସାଜିବା ଗୁଣ ମଧ୍ୟ ରଖିଥାନ୍ତି । ସେହିପରି ବି ବ୍ଲଡ ଗ୍ରୁପର ବ୍ୟକ୍ତି ସ୍ୱାର୍ଥପର ହୋଇଥାନ୍ତି । ସେମାନେ ସମସ୍ତଙ୍କ ସହ ମିଳିମିଶି ଚଳିବାକୁ ଭଲ ପାଇଥିଲେ ମଧ୍ୟ ସ୍ୱାର୍ଥ ହାସଲରେ ମଧ୍ୟ ପଛାନ୍ତି ନାହିଁ । ସତ କହିବା, କଠିନ ପରିଶ୍ରମ କରିବା ଓ ଜିଦ ସ୍ୱଭାବର ହୋଇଥାନ୍ତି ।
ଏବି ବ୍ଲଡ ଗ୍ରୁପର ବ୍ୟକ୍ତି ଶାନ୍ତ ସ୍ୱଭାବର ହୋଇଥାନ୍ତି । ଏମାନେ ଚତୁର ଓ ବୁଦ୍ଧିମାନ ଅଟନ୍ତି । ନିଜ ଉପରେ ସମ୍ପୂର୍ଣ୍ଣ ବିଶ୍ୱାସ ରଖିଥିବାରୁ ସେମାନେ ସହଜରେ ଅନ୍ୟମାନଙ୍କୁ ବିଶ୍ୱାସ କରନ୍ତି ନାହିଁ । କଳାତ୍ମକ, ଗମ୍ଭୀର, ପ୍ରତିଭାଶାଳୀ ଓ ତର୍କସଙ୍ଗତ ବ୍ୟକ୍ତି ହୋଇଥାନ୍ତି । ଓ ବ୍ଲଡ ଗ୍ରୁପର ବ୍ୟକ୍ତି ଆତ୍ମବିଶ୍ୱାସୀ ହୋଇଥାନ୍ତି । ବଡ ସଫଳତା ହାସଲ କରିବା ପାଇଁ ସେମାନଙ୍କୁ ଅନ୍ୟମାନଙ୍କଠାରୁ କମ ସମୟ ଲାଗିଥାଏ । ଏମାନେ ଭଲ ବନ୍ଧୁ ହେବା ସହ ଅନ୍ୟକୁ ଖୁସି ଦେବାକୁ ଚାହିଁଥାନ୍ତି । ଏହି ଗ୍ରୁପର ବ୍ୟକ୍ତିମାନେ ତର୍କସଙ୍ଗତ, ସଂଗଠିତ, ଆଶାବାଦୀ ଓ ଉର୍ଜାବାନ ହୋଇଥାନ୍ତି ।
