ଅମ୍ଳଜାନ ଅଭାବ ହେତୁ ୬ କରୋନା ରୋଗୀଙ୍କ ମୃତ୍ୟୁ

ବେଙ୍ଗାଲୁରୁ: ବେଙ୍ଗାଲୁରୁ ସମେତ କର୍ଣ୍ଣାଟକର କିଛି ଅଂଶରେ ଅମ୍ଳଜାନ ସଙ୍କଟ ଆହୁରି ଗଭୀର ହେଉଛି ଏବଂ ଡାକ୍ତରଖାନାଗୁଡ଼ିକ ଅମ୍ଳଜାନ ଯୋଗାଣର ବ୍ୟବଧାନକୁ ନେଇ ଚିନ୍ତା ମଧ୍ୟ ବଢିଛି।

ଅମ୍ଳଜାନ ଅଭାବ ହେତୁ ଚାମରାଜନଗର ଜିଲ୍ଲାରେ ୨୪ ଜଣଙ୍କର ମୃତ୍ୟୁ ହେବାର ଗୋଟିଏ ଦିନ ପରେ ମଙ୍ଗଳବାର ଦିନ ବେଙ୍ଗାଲୁରୁର ଆର୍କା ହସ୍ପିଟାଲରେ ଅମ୍ଳଜାନ ଅଭାବ ହେତୁ ଦୁଇ ରୋଗୀଙ୍କ ମୃତ୍ୟୁ ଘଟିଥିବା ଅଭିଯୋଗ ହୋଇଛି।

ସୋମବାର ବିଳମ୍ବିତ ରାତିରେ କାଲାବୁରାଗି ଜିଲ୍ଲାର ଆଫଜାଲପୁର ତାଲୁକ ଡାକ୍ତରଖାନାରେ ଅମ୍ଳଜାନ ଅଭାବରୁ ଅତି କମରେ ଚାରିଜଣ ରୋଗୀଙ୍କ ମୃତ୍ୟୁ ଘଟିଥିବା ସୂଚନା ମିଳିଛି।