ନୂଆଦିଲ୍ଲୀ: କରୋନା ସଂକଟ ଭିତରେ ଏବେ ସାମନାକୁ ଆସୁଛି ଭଲ ଖବର । ଦୈନିକ ଆକ୍ରାନ୍ତ ଓ ମୃତ୍ୟୁସଂଖ୍ୟା କମୁଛି । ଗତ କିଛି ସପ୍ତାହ ହେବ ଦେଶରେ ଦୈନିକ ସଂକ୍ରମିତଙ୍କ ସଂଖ୍ୟା ୭୦ ହଜାର ତଳେ ରହୁଛି । ଗତ ୨୪ ଘଣ୍ଟାରେ ଚିହ୍ନଟ ହୋଇଛନ୍ତି ଆଉ ୬୭ ହଜାର ୭୦୮ ନୂଆ ଆକ୍ରାନ୍ତ । ଏହାକୁ ମିଶାଇ ସାରା ଦେଶରେ ପଜିଟିଭ୍ କେସ୍ ୭୩ଲକ୍ଷ ୭ହଜାର ୯୮କୁ ବୃଦ୍ଧି ପାଇଛି ।
ଦୈନିକ ମୃତ୍ୟୁସଂଖ୍ୟା ଏବେ ହଜାରେ ତଳେ ରହୁଛି । ଗତ ୨୪ ଘଣ୍ଟାରେ ମହାମାରୀ ଆଉ ୬୮୦ ଆକ୍ରାନ୍ତଙ୍କ ଜୀବନ ନେଇଛି । ବର୍ତ୍ତମାନ ସୁଦ୍ଧା କରୋନାଜନିତ ମୃତ୍ୟୁସଂଖ୍ୟା ରହିଛି ୧ଲକ୍ଷ ୧୧ ହଜାର ୨୬୬ ।
ଏବେ ଦୈନିକ ୧୧ ଲକ୍ଷ କୋଭିଡ୍ ଟେଷ୍ଟ ହେଉଛି । ୭୦ ହଜାରରୁ କମ୍ ପଜିଟିଭ୍ କେସ୍ ସାମନାକୁ ଆସୁଥିବା ବେଳେ ଦୈନିକ ସୁସ୍ଥ ସଂଖ୍ୟା ୭୦ ହଜାରରୁ ଅଧିକ ରହୁଛି । ଏଯାଏ କରୋନାରୁ ଆରୋଗ୍ୟ ଲାଭ କଲେଣି ୬୩ ଲକ୍ଷ ୮୩ ହଜାର ୪୪୨ ଆକ୍ରାନ୍ତ । ଆକ୍ଟିଭ୍ କେସ୍ ରହିଛି ୮ଲକ୍ଷ ୧୨ହଜାର ୩୯୦ ।
Comments are closed.