ନୂଆଦିଲ୍ଲୀ- ଅଷ୍ଟ୍ରେଲିଆ ବିପକ୍ଷ ବାକି ଦୁଇଟି ଟେଷ୍ଟ ମ୍ୟାଚ ପାଇଁ ରୋହିତ ଶର୍ମାଙ୍କୁ ଟିମ୍ର ଭାଇସ୍ କ୍ୟାପଟେନ ଭାବେ ନିଯୁକ୍ତ କରା ଯାଇଛି । ବିରାଟ କୋହଲି ଘରକୁ ଫେରିବା ପରେ ଅଜିଙ୍କ୍ୟ ରାହାଣେଙ୍କୁ କ୍ୟାପଟେନ ଓ ଚେତେଶ୍ୱର ପୂଜାରାଙ୍କୁ ଭାଇସ୍ କ୍ୟାପଟେନ କରାଯାଇଥିଲ । ତେବେ ୧୪ ଦିନ କ୍ୱାରେଣ୍ଟିନ ସରିବା ପରେ ରୋହିତ ଟିମ୍ରେ ଯୋଗ ଦେଇଥିବାରୁ ତାଙ୍କୁ ଭାଇସ୍ କ୍ୟାପଟେନ ଭାବେ ନିଯୁକ୍ତ କରା ଯାଇଛି । ଦିନିକିଆ ଟିମ୍ରେ ମଧ୍ୟ ସେ ଏହି ଦାୟିତ୍ୱ ତୁଳାଇଥାନ୍ତିା
ଟିମ୍ରେ ରୋହିତ ଯୋଗ ଦେଇଥିବାରୁ ରାହାଣେ ଖୁସି ପ୍ରକାଶ କରି କହିଛନ୍ତି, ଏହା ଦ୍ୱାରା ଦଳର ବ୍ୟାଟିଂ ଶକ୍ତି ଆହୁରି ଦୃଢ ହେବ ।
ଆଇପିଏଲ୍ ସମୟରେ ଆହତ ହେବା କାରଣରୁ ରୋହିତ ପ୍ରଥମେ ଅଷ୍ଟ୍ରେଲିଆ ଟୁରରେ ଆସିନଥିଲେ । ଏହାକୁ ନେଇ ବହୁତ ବିବାଦ ଓ ଦ୍ୱନ୍ଦ୍ୱ ମଧ୍ୟ ଦେଖା ଦେଇଥିଲା । ପ୍ରକୃତରେ ତାଙ୍କର କଣ ହୋଇଛି ବୋଲି ନାନା ପ୍ରଶ୍ନ ଉଠିଥିଲା । କାରଣ ଆହତ ହୋଇଥିବା କହିବା ସତ୍ତ୍ୱେ ସେ ଆଇପିଏଲ୍ ଫାଇନାଲ ଖେଳିଥିଲେ । ପରେ ତାଙ୍କୁ ଟିମ୍ରେ ସାମିଲ କରା ଯାଇଥିଲା ଏବଂ ସେ ଅଷ୍ଟ୍ରେଲିଆ ଆସିବା ସହିତ ତୃତୀୟ ଟେଷ୍ଟ ପାଇଁ ସେ କଠିନ ଅଭ୍ୟାସ ମଧ୍ୟ କରିଥିଲେ । ନିୟମ ମୁତାବକ ତାଙ୍କୁ ୧୪ ଦିନ କ୍ୱାରେଣ୍ଟିନରେ ରହିବାକୁ ପଡିଥିଲା ।
ଜାନୁଆରି ୭ ତାରିଖରୁ ସିଡନିରେ ତୃତୀୟ ଟେଷ୍ଟ ଆରମ୍ଭ ହେବ । ପ୍ରଥମ ଆଡିଲେଡ୍ ଟେଷ୍ଟରେ ଲଜ୍ଜାଜନକ ପରାଜୟ ପରେ ମେଲବର୍ଣ୍ଣରେ ହୋଇଥିବା ଦ୍ୱିତୀୟ ଟେଷ୍ଟରେ ୮ ୱିକେଟର ସ୍ମରଣୀୟ ବିଜୟ ହାସଲ କରିଥିଲା ଟିମ୍ ଇଣ୍ଡିଆ । ସିରିଜ ଏବେ ୧-୧ରେ ବରାବର ଅଛି ।
ଆହତ କାରଣରୁ ତୃତୀୟ ଟେଷ୍ଟରୁ ବାଦ୍ ପଡିଥିବା ଉମେଶ ଯାଦବଙ୍କ ସ୍ଥାନରେ ଟିମ୍ରେ ସ୍ଥାନ ପାଇଛନ୍ତି ନୂଆ ସ୍ପିଡ୍ ସେନସେସନ ଟି. ନଟରାଜନ । ଏହା ପୂର୍ବରୁ ସେ ଟି- ଟ୍ୱେଣ୍ଟିରେ ଭଲ ପ୍ରଦର୍ଶନ କରିଥିବାରୁ ତାଙ୍କୁ ଚୂଡାନ୍ତ ଏକାଦଶରେ ସ୍ଥାନ ମିଳିପାରେ ବୋଲି କୁହା ଯାଉଛି ।
BREAKING NEWS
- ଭାରସାମ୍ୟ ହରାଇ ଡିଭାଇଡରରେ ପିଟିହେଲା ବୋଲେରୋ, ୧୦ ଆହତ
- ସଇଁତଳାରେ ବିଜେପି କର୍ମୀଙ୍କୁ ଆକ୍ରମଣ, ୧୫ ଜଣଙ୍କ ନାଁରେ ଥାନାରେ ଅଭିଯୋଗ
- କମ୍ପିବ ଓଡ଼ିଶା: ବିଜେପିର ଷ୍ଟାର କ୍ୟାମ୍ପେନର କରିବେ ପ୍ରଚାର, ପିପିଲିରେ ରୋଡ୍ ସୋ କରିବେ ଡ୍ରିମ୍ଗର୍ଲ୍
- ପୁଣି ୭୦ ସିନେମା ହଲ୍ ବନ୍ଦ କରିବ ପିଭିଆର୍
- ଆଜି ସମ୍ବଲପୁରରେ ମୁଖ୍ୟମନ୍ତ୍ରୀଙ୍କ ପ୍ରଚାର, ନାକଟିଦେଉଳରେ ଜନସଭାକୁ କରିବେ ସମ୍ବୋଧନ
- ଚିଙ୍ଗୁଡ଼ି ପ୍ଲାଣ୍ଟରେ ଗ୍ୟାସ୍ ଲିକ୍: ୧୦ରୁ ଅଧିକ ଅସୁସ୍ଥ, ଶ୍ରମ ଅଧିକାରୀଙ୍କ ତଦନ୍ତ ଆରମ୍ଭ
- ଖରାଦିନେ ଖାଆନ୍ତୁ ଛତୁଆ, ମିଳିବ ଅନେକ ସ୍ଵାସ୍ଥ୍ୟଗତ ଫାଇଦା
- ସୁପ୍ରିମକୋର୍ଟ ବାର ଆସୋସିଏଶନର ଅଧ୍ୟକ୍ଷ ହେଲେ କପିଲ ସିବଲ
- ନିର୍ବାଚନ ବେଳେ ଚିଟଫଣ୍ଡ ପ୍ରସଙ୍ଗ, ଆଭିମୁଖ୍ୟରେ ଆନ୍ତରିକତା ରହିଛି ନା ଭୋଟ୍ ବ୍ୟାଙ୍କ ରାଜନୀତି?
- ୯୯.୭୦ ପ୍ରତିଶତ ନମ୍ବର ରଖି ଟପ୍ପର ହୋଇଥିଲେ ଛାତ୍ରୀ, ଏବେ ବ୍ରେନ ହେମରେଜ୍ରୁ ମୃତ୍ୟୁ