ନୂଆଦିଲ୍ଲୀ : ଚାଷୀଙ୍କ ଆନ୍ଦୋଳନକୁ ସମର୍ଥନ କରି ବିଦେଶୀ ସେଲିବ୍ରିଟିଙ୍କ ଟ୍ବିଟ୍ ପରେ ଦେଶରେ ହଇଚଇ । ଚାଷୀଙ୍କ ସମର୍ଥନରେ ବାହାରିଛନ୍ତି ପରିବେଶ କର୍ମୀ ଗ୍ରେଟା ଥନ୍ବର୍ଗ । ଆଜି ଆଉ ଏକ ଟ୍ବିଟ୍ କରି ସେ ଚାଷୀଙ୍କ ଶାନ୍ତିପୂର୍ଣ୍ଣ ଆନ୍ଦୋଳନକୁ ସମର୍ଥନ କରୁଛି ବୋଲି କହିଛନ୍ତି । କୌଣସି ଘୃଣା, ଧମକ କିମ୍ବା ମାନବିକ ଅଧିକାରର ଉଲ୍ଲଂଘନ ଏହାକୁ କେବେ ପରିବର୍ତ୍ତନ କରିପାରିବ ନାହିଁ ।
ଗ୍ରେଟା ଥନବର୍ଗଙ୍କ ଟ୍ବିଟ୍ ପରେ ତାଙ୍କ ବିରୋଧରେ ଏତଲା ରୁଜୁ ହୋଇଛି । ଚାଷୀ ଆନ୍ଦୋଳନକୁ ସମର୍ଥନ କରି ଗ୍ରେଟା ଯେଉଁ ଟ୍ବିଟ୍ କରିଥିଲେ, ଏହାକୁ ନେଇ ଆଜି ଦିଲ୍ଲୀ ପୋଲିସ ତାଙ୍କ ନାଁରେ ଏତଲା ରୁଜୁ କରିଛି । ଗ୍ରେଟାଙ୍କ ବିରୋଧରେ ଧାରା ୧୫୩-ଏ, ୧୨୦ବି ଅନୁଯାୟୀ ଏକ ଏତଲା ପଞ୍ଜିକୃତ ହୋଇଛି ।
ଚାଷୀ ଆନ୍ଦୋଳନକୁ ସମର୍ଥନ କରି ଗ୍ରେଟାଙ୍କ ଟ୍ବିଟ୍ ଏବେ ବିଜେପି ସରକାରକୁ ଅଡୁଆରେ ପକାଇଛି । ଚାଷୀଙ୍କ ଆନ୍ଦୋଳନକୁ ଅନ୍ତର୍ଜାତୀୟ ସମର୍ଥନ ପରେ ପାଲଟା ପ୍ରଶ୍ନ କରିଛି ବିଜେପି । ଦେଶରେ ଅସ୍ଥିରତା ସୃଷ୍ଟି କରିବାକୁ ବିଦେଶୀ ଗୋଷ୍ଠୀ ଚକ୍ରାନ୍ତ କରୁଥିବା କହିଛି ବିଜେପି ।
Comments are closed.