ଭଦ୍ରକ: ଭଦ୍ରକରେ ଭୟାବହ ଅଗ୍ନିକାଣ୍ଡ। ଜଳି ପୋଡି ପାଉଁଶ ହୋଇଯାଉଛି ୧୦ ବଖରାରୁ ଅଧିକ ଘର। ଏଥିରେ ୪ ଟି ପରିବାର ନିଜର ସର୍ବସ୍ୱ ହରାଇ ସର୍ବସ୍ୱନ୍ତ ହୋଇ ପଡିଛନ୍ତି।
ସୂଚନାନୁସାରେ, ଭଦ୍ରକ ଜିଲ୍ଲା ଭଦ୍ରକ ବ୍ଲକର କଲେଇ ପଞ୍ଚାୟତ ବଳାଜିତପଡା ଗାଁରେ ଗତକାଲି ବିଳମ୍ବିତ ରାତିରେ ଘଟିଛି ଭୟାବହ ଅଗ୍ନିକାଣ୍ଡ। ଏହି ଅଗ୍ନିକାଣ୍ଡରେ ୪ଟି ପରିବାରର ୧୦ରୁ ଊର୍ଦ୍ଧ୍ଵ ବଖରା ଘର ଜଳି ପୋଡି ପାଉଁଶ ହୋଇଯାଇଛି।ଏଥିରେ ବଳଜିତପଡାର ଲକ୍ଷ୍ମୀ ଧର ସ୍ବାଇଁ, ସୁରେନ୍ଦ୍ର ସ୍ବାଇଁ, ଦେବେନ୍ଦ୍ର ସ୍ବାଇଁ, ବବିଲତା ସ୍ବାଇଁ ଓ ଅନିଲ ସ୍ଵାଇଁଙ୍କ ଘର ଦ୍ଵାରା ପୋଡି ପାଉଁଶ ହୋଇଯାଇଛି।
କେବଳ ଘର ନୁହେଁ ଘରର ଆସବାବପତ୍ର ସମେତ ଘରର ଧାନ, ଚାଉଳ, ଘର କରଣା ଜିନିଷ, ପିନ୍ଧାଲୁଗା ପୋଡି ପାଉଁଶ ହୋଇଛି। ନିଆଁର ତାତି ଏତେ ଥିଲା ଯେ ଘରୁ କୌଣସି ଜିନିଷ ବାହାର କରିବା ସମ୍ଭବ ହୋଇନାହିଁ।
ଖବର ପାଇ ଭଦ୍ରକରୁ ଦମକଳ ଗାଡି ଆସି ନିଆଁ ଲିଭାଇବା ସହ ନିଆଁକୁ ଆୟତ୍ତ କରିଥିବା ଜଣାପଡ଼ିଛି।
Comments are closed.