ମୁମ୍ବାଇ: ମହାରାଷ୍ଟ୍ରର ୟବତମାଳର ୱାନିରେ ୭ ଜଣ ଶ୍ରମିକଙ୍କ ମୃତ୍ୟୁ ସାନିଟାଇଜର ପିଇବାରୁ ହୋଇଛି । ସୂଚନା ଅନୁସାରେ ମହାରାଷ୍ଟ୍ରରେ ଲକଡାଉନ୍ ପାଇଁ ମଦ ଦୋକାନ ବନ୍ଦ ରହିଛି । ଫଳରେ ଏମାନଙ୍କୁ ମଦ ମିଳିନଥିଲା । ମଦ ନମିଳିବାରୁ ସାନିଟାଇଜର ପିଇ ଦେଇଥିଲେ । ପୋଲିସ ସୂଚନା ଅନୁସାରେ, ମୃତ୍ୟୁବରଣ କରିଥିବା ସମସ୍ତେ ଶ୍ରମିକ ।
Maharashtra: Seven people died in Yavatmal's Wani after consuming hand sanitiser as the liquor shops were closed. Police say, "Matter is being investigated. All of them were labourers. They consumed hand sanitiser when they couldn't get alcohol." pic.twitter.com/Asv8e8f3FX
— ANI (@ANI) April 24, 2021
ସୂଚନାଯୋଗ୍ୟ, ଦେଶରେ କରୋନାର ଦ୍ୱିତୀୟ ପ୍ରବାହରେ ସବୁଠୁ ଅଧିକ ପ୍ରଭାବିତ ହୋଇଛି ମହାରାଷ୍ଟ୍ର । ପ୍ରଥମ ଲହର ଭଳି ଦ୍ୱିତୀୟ ଲହରରେ ମହାରାଷ୍ଟ୍ରରେ କରୋନା ଆତଙ୍କା ଜାରି ରହିଛି । ବହୁ ବିଚାରବିମର୍ଷ ପରେ ସରକାର ରାଜ୍ୟରେ ଲକଡାଉନ୍ କଟକଣା ଜାରି କରିଛନ୍ତି ।
ଶନିବାର କେନ୍ଦ୍ର ସ୍ୱାସ୍ଥ୍ୟମନ୍ତ୍ରଣାଳୟ ଦେଇଥିବା ତଥ୍ୟ ଅନୁସାରେ ଦେଶରେ ଦୈନିକ ଚିହ୍ନଟ ହେଉଥିବା ସଂକ୍ରମିତଙ୍କ ମଧ୍ୟରୁ ୭୪.୧୫ ପ୍ରତିଶତ ମାମଲା ମହାରାଷ୍ଟ୍ର, ଉତ୍ତରପ୍ରଦେଶ ଓ ଦିଲ୍ଲୀ ସମେତ ୧୦ ରାଜ୍ୟରୁ ଚିହ୍ନଟ ହେଉଛନ୍ତି ।