ସୁନ୍ଦରଗଡ଼ରେ ପ୍ରଧାନମନ୍ତ୍ରୀ ମୋଦୀ: ଟାର୍ଗେଟରେ ବିଜେଡ଼ି ଓ କଂଗ୍ରେସ

ସୁନ୍ଦରଗଡ଼: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ଦିନ ଏକ ଦିନିକିଆ ଓଡ଼ିଶା ଗସ୍ତରେ ଅଛନ୍ତି । ଓଡ଼ିଶାରେ ଦୁଇଟି ନିର୍ବାଚନୀ ସଭା ମଧ୍ୟରେ ସୁନ୍ଦରଗଡ଼ରେ ମୋଦୀ ଏକ ଜନସଭାକୁ ସମ୍ବୋଧିିତ କରିଛନ୍ତି । ବିଜେପି ପକ୍ଷରୁ ଆୟୋଜିତ ଏହି ନିର୍ବାଚନୀ ସଭାରେ ନରେନ୍ଦ୍ର ମୋଦୀ ଉଭୟ କଂଗେସ ଓ ବିଜେଡ଼ିକୁ ସମାଲୋଚନା କରିଛନ୍ତି ।

PM Modi in Sundergarh,Odisha: BJD ki niyat sahi hoti to kisano ko unki upaj ki lagat ka dedh guna samarthan mulya milta jo chaukidar ne aapke liye tae kiya tha, BJD ki niyat theek hoti toh Ayushmaan bharat ka fayda aapko milta pic.twitter.com/3vi3oqLu2x

— ANI (@ANI) April 6, 2019

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୁନ୍ଦରଗଡ଼ଠାରେ ଜନସଭାକୁ ଉଦବୋଧନ ଦେଇ କହିଛନ୍ତି, ଏହି ନିର୍ବାଚନ ଦେଶ ଏବଂ ରାଜ୍ୟ ପାଇଁ ଗୁରୁତ୍ୱପୂର୍ଣ୍ଣ । ଦେଶକୁ ମଜବୁତ ସରକାର ଦରକାର । ଓଡିଶା ଏବଂ କେନ୍ଦ୍ରରେ ଆଦିବାସୀ, ଦଳିତ ଆଦି ପରିବାର ପାଇଁ ଭାଇ ମାମୁ ଭଲି ସରକାର ଦରକାର ନାହିଁ । ଆପଣ କେନ୍ଦ୍ରରେ ୬୦ ବ୍ଷ ଧରି କଂଗ୍ରେସକୁ ଦେଖିଛନ୍ତି, ୧୯ ବର୍ଷ ଧରି ବିଜେଡି ସରକାର ଦେଖିଛନ୍ତି । ବିଜେପି ସରକାର ୫ ବର୍ଷ କେନ୍ଦ୍ରରେ ରହିଛି । ଆଜି ବିଜେପିର ପ୍ରତିଷ୍ଠା ଦିବସ । ୩୯ ବର୍ଷ ପୂର୍ବେ ଆଜିର ଦିନରେ ବିଶ୍ୱର ସବୁଠାରୁ ବଡ ରାଜନୈତିକ ସଂଗଠନ ଗଠନ ହୋଇଥିଲା । ଏହାକୁ ନେଇ ଦେଶବାସୀ ଗର୍ବ କରିଛନ୍ତି । ଏହା ବାହୁ ବଳରେ ଗଠିତ ହୋଇନାହିଁ । ଏହା କାହାର ବିଚାରଧାରର ଉଧାର ନୁହେଁ । ବିଜେପି ଦେଶର ଜନତାଙ୍କ ଆକାଂକ୍ଷାକୁ ନେଇ ସ୍ଥାପନା ହୋଇଛି ।

ଗତ ୫ ବର୍ଷରେ ଆମେ ଦେଶକୁ ଦେଖାଇଛୁ କି ଭାରତ ଏବେ ଆତଙ୍କବାଦୀଙ୍କୁ ଘରେ ପଶି ମାରୁଛି । ସରକାର ପୂର୍ବରୁ ଥିଲା କିନ୍ତୁ ସର୍ଜିକାଲ ଷ୍ଟ୍ରାଇକ କଥା ଭାବୁ ନଥିଲେ । ଅନ୍ୟ ଦେଶର ସୀମାରେ ପଶି ବାୟୁସେନା ଆକ୍ରମଣ କରୁଥିଲେ । ଭାରତ ବଦଳୁଛି । ଦିନକୁ ଦିନ ମଜବୁତ ହେଉଛି । ଦେଶ ମଜବୁତ ହେବା ଆବଶ୍ୟକ । ମଜବୁତ ଓଡିଶା ପାଇଁ ପଦ୍ମ ଫୁଟିବା ଆବଶ୍ୟକା । ସମସ୍ତ ବିଧାନସଭାରେ ପଦ୍ମ ଫୁଟିବା ଉଚିତ । ଗୋଟିଏ ଦେଶର ମଜବୁତ ସରକାର ଚ୍ୟାଲେଂଜକୁ ହଟାଇପାରିବା ଗରିବୀକୁ ହଟାଇପାରିବ । ସରକାର ଏପରି ହେବା ଦରକାର ଯେ ସବକି ସାଥ ସବକି ବିକାଶ ଧାରାରେ ଚାଲିବ । କ୍ଷେତ୍ରକୁ ନେଇ ଭେଦଭାବ କରୁନଥିବା । ଓଡିଶାରେ ବିଜେଡି ଏପରି କରୁଛି । କଂଗ୍ରେସ ସାରା ପୂର୍ବ ଭାରତ ସହ ଭେଦଭାବ କରିଛି ।

ଓଡ଼ିଶାର ଶାସକ ବିଜେଡ଼ି ସରକାରକୁ ସମାଲୋଚନା କରି ମୋଦୀ କହିଛନ୍ତି, ବିଜେଡିର ନୀତି ଠିକ୍ ଥିଲେ କୃଷକଙ୍କୁ ଦେଢଗୁଣା ସମର୍ଥନ ମୂଲ୍ୟ ମିଳୁଥାନ୍ତା । ପ୍ରାୟ ୫୦ ଲକ୍ଷ କୃଷକଙ୍କ ଟଙ୍କା ରୋକାଯାଇ ନଥାନ୍ତା । ଆୟୁଷ୍ମାନ ଯୋଜନା ଲାଗୁ ହୋଇଥାନ୍ତା । ହସ୍ପିଟାଲର କାମ ମଧ୍ୟ ହୋଇଥାନ୍ତା । ଅଧିକ ଲୋକଙ୍କୁ ପକ୍କାଘର ମିଳିଥାନ୍ତା । ବିଜେପି ସରକାର ଥିଲେ ଏହା ୮ ଲକ୍ଷରୁ ଅଧି ହୋଇଥାନ୍ତା । କୋଇଲା ପ୍ରକଳ୍ପ ଅଟକି ନଥାନ୍ତା । ରାଜ୍ୟ ସରକାର କେନ୍ଦ୍ରର ଅର୍ଥ ଠିକସେ ଖର୍ଚ୍ଚ କରିପାରୁ ନାହାନ୍ତି । ରୟାଲଟି ଟଙ୍କା ବିନିଯୋଗ ହୋଇପାରୁନାହିଁ ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୁନ୍ଦରଗଡ଼ରୁ ଫେରି ସୁବର୍ଣ୍ଣପୁର ଜିଲ୍ଲା ସୋନପୁର ଟାଉନର ରାମେଶ୍ୱର ଷ୍ଟାଡ଼ିୟମଠାରେ ଭାରତୀୟ ଜନତା ପାର୍ଟି ପକ୍ଷରୁ ବିଜୟ ସଂକଳ୍ପ ସଭାରେ ଯୋଗଦାନ କରିବେ ବୋଲି ପାର୍ଟି ସୂତ୍ରରୁ ଜଣାପଡ଼ିଛି ।