ମାନସ ରଞ୍ଜନ ମହାପାତ୍ର 
କେଉଁ ଟ୍ରକ୍ ଡାଲାରେ ହଜିଲ
କେଉଁ ଜଙ୍ଗଲ ରେ, ପାହାଡ଼ରେ
ତୁମେ ହଠାତ୍ ଓହ୍ଲାଇଗଲ ଓ ହଜିଗଲ ପ୍ରିୟ ସନାତନ !
ସେଦିନ ଗଲ ଯେ ଗଲ ଓ ମୁଁ
ଖୋଜିଲି ସାରା ପୃଥିବୀ, ମହାଦେଶ,
ମହାନଗରୀ, ମହାସାଗର
କେଉଁ ଯୋଗୀ ବେଶରେ, କେଉଁ
ହିମାଳୟ କି ଆଲପସ୍ କି କେଉଁ
ଅସରନ୍ତି ପର୍ବତମାଳାରେ
ତୁମେ ହଜିଲ ଯେ ହଜିଲ , କୁଆଡ଼େ ଗଲ ?
ଏବେ ଏଠି ଅଚାନକ ଖରାଦିନ
ପ୍ରବଳ ଧୂଳି ଝଡ଼ ରେ ବନ୍ଦ ଚାରିଆଡ଼
ତୁମେ ଫେରିଆସ ସନାତନ
ଭଙ୍ଗା ଟ୍ରକ୍ ଡାଲା ମାନଙ୍କୁ ଆମେ ସଜାଡ଼ିବା
ଭରିବା ସ୍ଵପ୍ନରେ
ଭୁଲିଯିବା ସବୁ ଗଲାଦିନ
ଫେରିଆସ ଫେରିଆସ
ସନାତନ !୦୦୦୦
ଶୀଳାଚିନ୍ମୟ
ମଧୁବନ ଷଷ୍ଠ ଗଳି
ଟିକରପଡା ରୋଡ଼, ପୁରୀ
୯୮୯୧୯୪୬୧୭୮