ଭୁବନେଶ୍ୱର: ସ୍ପେନିଶ ପାରା ବ୍ୟାଡମିଂଟନରେ କମାଲ କରିଛନ୍ତି ଭାରତର ପ୍ରମୋଦ ଭଗତ । ସେ ସିଙ୍ଗଲ୍ସ, ଡବଲ୍ସ ଓ ମିକ୍ସଡ ଡବଲ୍ସରେ ସ୍ୱର୍ଣ୍ଣ ପଦକ ହାସଲ କରିଛନ୍ତି । ଡବଲ୍ସ ଫାଇନାଲରେ ପ୍ରମୋଦ ଓ ମନୋଜ ସର୍କାର ଯୋଡି ନିଜ ଦେଶର ସୁକାନ୍ତ କଦମ ଓ ନୀତେଶ କୁମାରଙ୍କୁ ୨୧-୧୯, ୧୧-୨୧ ଓ ୨୧-୧୧ରେ ପରାସ୍ତ କରିଥିଲେ । ସେହିପରି ସିଙ୍ଗଲ୍ସ ମୁକାବିଲାରେ ପ୍ରମୋଦ ୧୭-୨୧, ୨୧-୧୭ ଓ ୨୧-୧୭ରେ ନୀତେଶଙ୍କୁ ପରାସ୍ତ କରି ସ୍ୱର୍ଣ୍ଣ ପଦକ ହାସଲ କରିଥିଲେ ।
ମିକ୍ସଡ ଡବଲ୍ସରେ ପ୍ରମୋଦ ଓ ପଲକ କୋହଲି ଯୋଡି ନିଜ ଦେଶର ରୁଥିକ ରଘୁପତି ଓ ମାନସୀ ଜି ଯୋଶୀଙ୍କୁ ୧୪-୨୧, ୨୧-୧୧ ଓ ୨୧-୧୪ରେ ପରାସ୍ତ କରି ତୃତୀୟ ସ୍ୱର୍ଣ୍ଣ ହାତେଇଥିଲେ ।
Comments are closed.