ସମୁଦ୍ରରେ କିପରି ଶତ୍ରୁଙ୍କୁ ଦିଆଯିବ ଜବାବ । ସବୁ ବିଭାଗ ମଧ୍ୟରେ ସମନ୍ବୟ ରଖି କିପରି କରାଯିବ ଅପରେସନ । ଏନେଇ ଆଜିଠୁ ପାରାଦ୍ୱୀପରେ ଆରମ୍ଭ ହୋଇଛି ଦୁଇଦିନିଆ ମିଳିତ ସମରାଭ୍ୟାସ `ସାଗର କବଚ-୧’ । ଓଡ଼ିଶାର ୪୮୦ କିଲୋମିଟର ବେଳାଭୂମିରେ ବାହ୍ୟ ଶତୃଙ୍କ ମୁକାବିଲା ପାଇଁ ମିଳିତ ସମାରାଭ୍ୟାସ କରାଯାଉଛି। । ଏଥିରେ କେନ୍ଦ୍ର ଓ ରାଜ୍ୟ ସରକାରଙ୍କ ୧୩ରୁ ଅଧିକ ବିଭାଗ ସାମିଲ ହୋଇଛନ୍ତି ।
ଓଡ଼ିଶା ପୋଲିସ, ମେରାଇନ ପୋଲିସ, କୋଷ୍ଟଗାର୍ଡ, ମତ୍ସ୍ୟ ବିଭାଗ, ଅଗ୍ନିଶମ ବିଭାଗ, ପାରାଦ୍ୱୀପ ବନ୍ଦର, ଇମିଗ୍ରେସନ, ଇଣ୍ଟେଲିଜେନ୍ସ, ବନ ବିଭାଗ, ସିଆଇଏସଏଫ, କଷ୍ଟମ୍ସ ବିଭାଗ ସାମିଲ ହୋଇଛନ୍ତି ।
ସମସ୍ତଙ୍କୁ ରେଡ୍ ଟିମ୍ ଓ ବ୍ଲୁ ଟିମ୍ ନାମରେ ଦୁଇଟି ଟିମ ଗଠନ କରାଯାଇଛି । ରେଡ୍ ଟିମ୍ ସମୁଦ୍ର ପଥ ଦେଇ ସ୍ଥଳଭାଗର ବିଭିନ୍ନ ସମ୍ବେଦନଶୀଳ ସ୍ଥାନରେ ପ୍ରବେଶ କରିବ । ସେମାନଙ୍କୁ ଧରିବାକୁ ପ୍ରୟାସ କରିବ ବ୍ଲୁ ଟିମ୍ । ୨୦୦୮ ମୁମ୍ବାଇ ଆକ୍ରମଣ ପରଠାରୁ ପ୍ରତିବର୍ଷ ମିଳିତ ସମରାଭ୍ୟାସ କରାଯାଉଛି ।
ଦୁଇଦିନ ଧରି ଏହି ମିଳିତ ସମରାଭ୍ୟାସ ପାରାଦ୍ଵୀପ ବନ୍ଦର ସମେତ ପୂର୍ବ ଉପକୂଳ ର ବିଭିନ୍ନ ସମ୍ବେଦନଶୀଳ ସ୍ଥାନରେ କରାଯିବ।