ମୁମ୍ବାଇ: ଭାରତୀୟ କ୍ରିକେଟ କଂଟ୍ରୋଲ ବୋର୍ଡ ଆଜି ପତ୍ରକାର ତଥା ବାୟୋଗ୍ରାଫି ରାଇଟର ବୋରିୟା ମଜମୁଦାରଙ୍କୁ ୨ ବର୍ଷ ପାଇଁ ବାସନ୍ଦ କରିଛି । ସାକ୍ଷାତକାର ନେବା ଆଳରେ ସେ ୱିକେଟକିପର ରିଦ୍ଧିମାନ ଶାହାଙ୍କୁ ଧମକାଇଥିଲେ । ରିଦ୍ଧିମାନ ନାମ ପ୍ରକାଶ କରି ନ ଥିଲେ ମଧ୍ୟ ଏହି ଘଟଣା ସୋସିଆଲ ସାଇଟରେ ପ୍ରକାଶ କରିଥିଲେ । ଯାହାକୁ ନେଇ ଆଲୋଚନା ଜୋର ଧରିଥିଲା । ଏବେ ମଜମୁଦାର ୨ ବର୍ଷ ପାଇଁ ଟିମ ଇଣ୍ଡିଆର କୌଣସି ପ୍ରେସ କନଫେରେନ୍ସରେ ଯୋଗ ଦେଇପାରିବେ ନାହିଁ । ସେହିପରି ଖେଳାଳିମାନଙ୍କୁ ତାଙ୍କ ସହ ଆଲୋଚନା ନ କରିବା ପାଇଁ ବୋର୍ଡ ପକ୍ଷରୁ କୁହାଯାଇଛି ।
ବିସିସିଆଇ ମଜମୁଦାରଙ୍କ ବାସନ୍ଦ କରିବା ପାଇଁ ଆଇସିସି ନିକଟରେ ମଧ୍ୟ ଅନୁରୋଧ କରିଛି । ରିଦ୍ଧିମାନଙ୍କ ଅଭିଯୋଗ ପରେ ରାଜୀବ ଶୁକ୍ଲା, ଅରୁଣ ଧୁମାଲ ଓ ପ୍ରଭତେଜ ଭାଟିୟାଙ୍କୁ ନେଇ ଏକ କମିଟି ଗଠନ କରାଯାଇଥିଲା । କମିଟି ଆଗରେ ରିଦ୍ଧିମାନ ତାଙ୍କ ନାମ ନେଇଥିଲେ ।
Comments are closed.