ଭୁବନେଶ୍ୱର: ଆସନ୍ତା ଜୁନ୍ ୧୨ରେ କଟକ ସ୍ଥିତ ବାରବାଟୀ ଷ୍ଟାଡିୟମରେ ହେବାକୁ ଥିବା ଭାରତ-ଦକ୍ଷିଣ ଆଫ୍ରିକା ମ୍ୟାଚ ପାଇଁ ଜୁନ୍ ୧ ତାରିଖରୁ ଟିକେଟ୍ ବିକ୍ରି ଆରମ୍ଭ ହେଉଛି । ବୁଧବାର ସକାଳ ୧୧ଟା ବେଳରୁ ଅନଲାଇନ ଟିକେଟ୍ ବିକ୍ରି ଆରମ୍ଭ ହେବ ବୋଲି ଓସିଏ ପକ୍ଷରୁ ସୂଚନା ଦିଆଯାଇଛି ।
ଅନଲାଇନ ଟିକେଟ୍ କାଟିବା ପାଇଁ ପେଟିଏମ୍ ଆପ ନିହାତି ଆବଶ୍ୟକ । ଟିକେଟ କାଟିବା ସମୟରେ ପଞ୍ଜୀକୃତ ମୋବାଇଲ ନମ୍ବର ଏବଂ ଇମେଲ ଦେବା ଜରୁରୀ । ଯାହା ଦ୍ୱାରା ଟିକେଟ୍ ସମ୍ବନ୍ଧୀୟ ସମସ୍ତ ସୂଚନା ଦିଆଯିବ ବୋଲି କୁହାଯାଇଛି ।
ଟିକେଟ୍ କାଟିବା ସମୟରେ ପରିଚୟ ପତ୍ର ଆବଶ୍ୟକ । ଏବଂ ଏହି ଟିକେଟ୍ ପାଇବା ପାଇଁ ବକ୍ସ ଅଫିସ ନିକଟରେ ଉଭୟ ପରିଚୟ ପତ୍ର ଓ ଅନଲାଇନରେ ମିଳିଥିବା ଟିକେଟ୍ ଦେଖେଇବା ଜରୁରୀ । ପରିଚୟ ପତ୍ର ସହ ସମାନ ନାମ ଦେବାକୁ କୁହାଯାଇଛି । ସଠିକ୍ ମୋବାଇଲ ନମ୍ବର ପ୍ରତି ଦର୍ଶକ ଧ୍ୟାନ ଦେବେ ।
Comments are closed.