ମୁମ୍ବାଇ: ଆଗାମୀ ଆୟର୍ଲାଣ୍ଡ ବିପକ୍ଷ ଟି୨୦ ସିରିଜରେ ହାର୍ଦ୍ଦିକ ପାଣ୍ଡ୍ୟାଙ୍କୁ ଭାରତୀୟ କ୍ରିକେଟ ଦଳର ନେତୃତ୍ୱ ଦାୟିତ୍ୱ ପ୍ରଦାନ କରାଯିବା ନେଇ ଆଲୋଚନା ଚାଲିଛି । ଇଂଲଣ୍ଡ ଗସ୍ତ ପୂର୍ବରୁ ଆଘାତ ସମସ୍ୟାରେ ପଡିଥିବା ଉପ ଅଧିନାୟକ କେଏଲ ରାହୁଲ ଇଂଲଣ୍ଡ ବିପକ୍ଷ ବକେୟା ଏଜବେଷ୍ଟନ ଟେଷ୍ଟରେ ଖେଳି ନ ପାରନ୍ତି । ଏହି ଗସ୍ତ ପୂର୍ବରୁ ଭାରତୀୟ ଦଳ ଆୟର୍ଲାଣ୍ଡରେ ୨ଟି ଟି୨୦ ମ୍ୟାଚ ଖେଳିବ । ରାହୁଲ ଦକ୍ଷିଣ ଆଫ୍ରିକା ବିପକ୍ଷ ସିରିଜରୁ ଓହରିଯିବା ଫଳରେ ରିଷଭ ପନ୍ତଙ୍କୁ ଦଳର ଅଧିନାୟକ କରାଯାଇଛି । ସେ ଇଂଲଣ୍ଡ ବିପକ୍ଷ ଟେଷ୍ଟ ଟିମ ସହିତ ରହିବେ ଫଳରେ ହାର୍ଦ୍ଦିକଙ୍କୁ ଅଧିନାୟକ କରାଯାଇପାରେ ।
ଗୁରୁବାର ପନ୍ତ ବ୍ୟତୀତ ଅଧିନାୟକ ରୋହିତ ଶର୍ମା, ବିରାଟ କୋହଲି, ଚେତେଶ୍ୱର ପୂଜାରା, ଯଶପ୍ରୀତ ବୁମରାହ ଓ ମହମ୍ମଦ ସାମି ପ୍ରମୁଖ ଇଂଲଣ୍ଡ ଗସ୍ତରେ ଯିବେ । ରାହୁଲଙ୍କ ବଦଳ ଖେଳାଳି ଭାବେ କାହାକୁ ଦଳରେ ସାମିଲ କରାଯାଇ ନାହିଁ । ଶୁଭମନ ଗିଲ ଓ ଚେତେଶ୍ୱର ପୂଜାରା ତାଙ୍କ ସ୍ଥାନରେ ଇନିଂସ ଓପନ କରିପାରନ୍ତି ।
Comments are closed.