ଲର୍ଡସ: କ୍ରିକେଟର ମକ୍କା ଭାବେ ପରିଚିତ ଲର୍ଡସ ଗ୍ରାଉଣ୍ଡରେ ୱାର୍ଲ୍ଡ ଟେଷ୍ଟ ଚାମ୍ପିୟନଶିପର ଫାଇନାଲ ମ୍ୟାଚ ଖେଳାଯିବ । ୨୦୨୩ ଓ ୨୫ ଫାଇନାଲ ଲର୍ଡସରେ ଖେଳାଯିବ ବୋଲି ଆଜି ଆନ୍ତର୍ଜାତୀୟ କ୍ରିକେଟ କାଉନସିଲ ସ୍ପଷ୍ଟ କରିଛି । ଡବ୍ଲ୍ୟୁଟିସିର ପ୍ରଥମ ସଂସ୍କରଣର ଫାଇନାଲ ମଧ୍ୟ ଏଠାରେ ଖେଳଯିବାକୁ ଥିଲା ମାତ୍ର ଶେଷ ମୂହର୍ତରେ ସାଉଥାମ୍ପଟସନ ରୋଜ ବାଓଲରେ ଆୟୋଜିତ ହୋଇଥିଲା । ଭାରତକୁ ହରାଇ ନ୍ୟୁଜିଲାଣ୍ଡ ଚାମ୍ପିୟନ ଆଖ୍ୟା ଅର୍ଜନ କରିଥିଲା । ଖୁବ ଶୀଘ୍ର ଆଇସିସି ଆଗାମୀ ସଂସ୍କରଣର ଫାଇନାଲ ମ୍ୟାଚ ତାରିଖ ଘୋଷଣା କରାଯିବ ବୋଲି ଆଇସିସି ପକ୍ଷରୁ ସ୍ପଷ୍ଟ କରାଯାଇଛି । ଏହା ବ୍ୟତୀତ ଫ୍ୟୁଚର ଟୁର ପ୍ରୋଗ୍ରାମର ଚୂଡାନ୍ତ ରୂପରେଖାର ଘୋଷଣା ମଧ୍ୟ କରାଯିବ । ଏଥର ଡବ୍ଲ୍ୟୁଟିସି ଫାଇନାଲରେ ଭାରତର ପ୍ରବେଶ ଆଶା କ୍ଷୀଣ ହୋଇଯାଇଛି ।
Comments are closed.