ଗଦାଧର ସାହୁ 
ଦେହ ଯଦି
ଦେଉଳ ହେଲା
ନବଦ୍ଵାର ନଟି ତାଲା ।
ପଞ୍ଚ ମନ ସହ
ପଚିଶି ପ୍ରକୃତି
ଅହରହ ମିଶି ଖେଳ ଚାଲିଲା ।
ମନ ସେଠି
ହୋଇ ପୂଜାରୀ
ରୁପ ଧରି ଅଛି ମାର୍ଜାରୀ ।
ପ୍ରକୃତିଙ୍କ ସଙ୍ଗେ
ଅହୋରାତ୍ର ଖେଳେ
ଜିତିବା କମ୍ ବେଶି ହାରିଲା ।
ନବଦ୍ଵାରେ
ପକାଇ ତାଲା
ସାଧନାର ମାର୍ଗ ରଚିଲା ।
ମନ ପ୍ରାଣ ରୁନ୍ଧି
ପ୍ରକୃତିକୁ ବାନ୍ଧି
ଅଣ ସାଧନରେ ସିଦ୍ଧି ହୋଇଲା ।
ସଦା ହେଲେ
ଦିଅଁ ଦର୍ଶନ
ଏ ଦେଉଳ ହୁଅଇ ଧନ୍ୟ ।
ଯଶ କୀର୍ତ୍ତି ବାନା
ଉଡେ ଫରଫର
ଦେଉଳ ଗଢିବା ସାର୍ଥକ ହେଲା ।
ବ୍ରହ୍ମଗିରି, ପୁରୀ