ଓଡ଼ିଶା ସମ୍ବାଦ ବ୍ୟୁରୋ: କେଶ ପାଇଁ ଲୋକେ ବିଭିନ୍ନ ପ୍ରକାର ତେଲ, ସାମ୍ପୁ ବ୍ୟବହାର କରନ୍ତି। ଲୋକେ ଘରୋଇ ଉପଚାର ମଧ୍ୟ କରନ୍ତି। କେଶ ପାଇଁ ଏପରି ବିଭିନ୍ନ ଫୁଲ ରହିଛି ଯାହା କେଶକୁ କଳା, ଲମ୍ୱା, ଉପି ସମସ୍ୟା ସହିତ କେଶ ଝଡ଼ିବା ପାଇଁ କାମ କରେ। ଆପଣ ଏହି ଫୁଲକୁ ସହଜରେ ପାଇପାରିବ ଏବଂ କେଶରେ ଏହାର ବ୍ୟବହାର ମଧ୍ୟ ବହୁତ ସହଜ। ତାହା ହେଉଛି ମନ୍ଦାର ଫୁଲ ବା ଇଂରାଜୀରେ ତାହାକୁ ହେବିସ୍କସ କୁହାଯାଏ। ମନ୍ଦାର ଫୁଲକୁ କେଶ ପାଇଁ ଆୟୁର୍ବେଦିକ ପ୍ରତିକାର ଭାବରେ ଦେଖାଯାଏ। ଏଥିରେ ଭିଟାମିନ୍ ସି, ଫ୍ଲାଭୋନାଏଡ୍, ଆମିନୋ ଏସିଡ୍ ଏବଂ ଆଣ୍ଟିଅକ୍ସିଡାଣ୍ଟରେ ଭରପୂର ଗୁଣ ରହିଛି। କେଶକୁ ଘନ ଏବଂ ଲମ୍ବା କରିବା ପାଇଁ କେଶରେ ମନ୍ଦାର ଫୁଲ କିପରି ପ୍ରୟୋଗ କରାଯାଇପାରିବ ଏଠାରେ ଜାଣନ୍ତୁ…
ମନ୍ଦାର ତେଲ ବା ହେବିସ୍କସ ତେଲ…
କେଶ ବୃଦ୍ଧି ପାଇଁ ଘରେ ହେଇବିସ୍କସ୍ ତେଲ ତିଆରି କରାଯାଇପାରେ। ସ୍କାଲପ୍ ର ଅନେକ ସମସ୍ୟା ଦୂର କରିବାରେ ଏହା ପ୍ରଭାବଶାଳୀ। ଏହାକୁ ପ୍ରସ୍ତୁତ କରିବା ପାଇଁ, କିଛି ମନ୍ଦାର ଫୁଲକୁ ଗ୍ରାଇଣ୍ଡ୍ କରନ୍ତୁ। ଯଦି ଆପଣ ଚାହାଁନ୍ତି, ଆପଣ ଏହି ଫୁଲଗୁଡ଼ିକର ଶୁଖିଲା ଗ୍ରାଇଣ୍ଡ୍ କରି ପାଉଡର ତିଆରି କରିପାରିବେ। ଏହା ପରେ ଏକ ପାତ୍ରରେ ନଡ଼ିଆ ତେଲ ଗରମ କରନ୍ତୁ ଏବଂ ଏଥିରେ ଏହି ଫୁଲର ପେଷ୍ଟ ମିଶାନ୍ତୁ। ଏହା ପରେ ଏହି ମିଶ୍ରଣକୁ କିଛି ସମୟ ପାଇଁ ରାନ୍ଧନ୍ତୁ। ଏହା ପରେ, ଏହି ମନ୍ଦାର ତେଲକୁ ଅଲଗା କରି ଥଣ୍ଡା କରନ୍ତୁ। ବର୍ତ୍ତମାନ ଏହି ତେଲ ବ୍ୟବହାର କରିପାରିବେ। ଆପଣ ଏହାକୁ ସପ୍ତାହକୁ ଦୁଇଥର ନିଜ କେଶରେ ଲଗାଇ ପାରିବେ।
ହେବିସ୍କସ୍ ହେୟାର ମାସ୍କ….
କେଶକୁ ମୋଟା କରିବା ପାଇଁ, ମନ୍ଦାର ଏବଂ ଅଁଳା ମିଶ୍ରଣ କରି ଏକ ହେୟାର ମାସ୍କ ପ୍ରସ୍ତୁତ କରନ୍ତୁ। ଏହାକୁ ପ୍ରସ୍ତୁତ କରିବା ପାଇଁ, କିଛି ମନ୍ଦାର ଫୁଲର ପେଷ୍ଟ ପ୍ରସ୍ତୁତ କରନ୍ତୁ। ବର୍ତ୍ତମାନ ଏଥିରେ ଏକ ରୁ ଦୁଇ ଚାମଚ ଅଁଳା ପାଉଡର ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ। ଏହି ପେଷ୍ଟକୁ କେଶରେ ଅଧ ଘଣ୍ଟା ଲଗାଇବା ପରେ ଧୋଇ ଦିଅନ୍ତୁ। ଏହା ଦ୍ୱାରା କେଶ ସିଲ୍କି ଏବଂ ସ୍ମୁଥ୍ ହୋଇଥାଏ।
ମନ୍ଦାର ସାମ୍ପୁ….
ଅନେକ ଥର କେଶରେ ମଇଳା ସ୍ତର ଜମା ହୋଇଯାଏ। ଏହାକୁ ହଟାଇବା ପାଇଁ ମନ୍ଦାର ସାମ୍ପୁ ବ୍ୟବହାର କରାଯାଇପାରିବ। ଏହି ସାମ୍ପୁ ତିଆରି କରିବାକୁ ୧୦ ରୁ ୧୨ ଟି ମନ୍ଦାର ଫୁଲ ଏବଂ ୫ ରୁ ୬ଚି ମନ୍ଦାର ପତ୍ର ନିଅନ୍ତୁ। ସେମାନଙ୍କୁ ପାଣିରେ ପକାଇ ଫୁଟାନ୍ତୁ। ଏହା ପରେ ଦୁଇ ଚାମଚ ବେସନ ପକାଇ ଏହାକୁ ମିଶାନ୍ତୁ। ଥଣ୍ଡା ହେବା ପରେ ଏହି ମିଶ୍ରଣ ସହିତ କେଶ ଧୋଇପାରିବେ।
Comments are closed.