ମୁମ୍ବାଇ: ଫିଲ୍ମମେକର ଆଦିତ୍ୟ ଧରଙ୍କ ଡ୍ରିମ ପ୍ରୋଜେକ୍ଟ ଦି ଇର୍ମୋଟାଲ ଅଶ୍ୱଥାମାରୁ ସାରା ଅଲୀ ଖାଁଙ୍କୁ ହଟେଇ ଦିଆଯାଇଛି । ତାଙ୍କ ସ୍ଥାନରେ ଜଣେ ବଡ ଅଭିନେତ୍ରୀଙ୍କୁ କାଷ୍ଟ କରାଯିବ । ଭିକ୍କି କୌଶଳ ଏଥିରେ ମୂଖ୍ୟ ଭୂମିକାରେ ଅଭିନୟ କରୁଛନ୍ତି । ଷ୍ଟାରକାଷ୍ଟରେ ପରିବର୍ତନ କରାଯିବା ନେଇ ଇଣ୍ଡିଆ ଟୁଡେରେ ଖବର ପ୍ରକାଶ ପାଇଥିଲା । ପୂର୍ବର ଭିକ୍କି ଓ ସାରାଙ୍କୁ ଏଥିପାଇଁ ସାଇନ କରାଯାଇଥିଲା । ସାରାଙ୍କ ସ୍ଥାନରେ କିଏ ଏହି ଭୂମିକା କରିବ ତାହା ସ୍ପଷ୍ଟ ହୋଇନି । କେତେକ ମିଡିଆ ରିପୋର୍ଟ ଅନୁସାରେ ଦକ୍ଷିଣ ଭାରତର ଲୋକପ୍ରିୟ ଅଭିନେତ୍ରୀ ସାମନ୍ଥା ରୁଥ ପ୍ରଭୁ ଏହି ଭୂମିକା ପାଇଁ ପ୍ରଥମ ପସନ୍ଦ ରହିଛନ୍ତି ।
ଆଦିତ୍ୟ ଫିଲ୍ମକୁ ଯେତେ ଥର ଫ୍ଲୋରକୁ ନେବା ପାଇଁ ଉଦ୍ୟମ କରୁଛନ୍ତି ଏଥିରେ କିଛି ନା କିଛି ଅସୁବିଧା ଉପୁଜୁଛି । ଫଳରେ ଫିଲ୍ମରେ ବଜଟେ ଅନବଶ୍ୟକ ଭାବେ ବଢ଼ିବାରେ ଲାଗିଛି । ମହାଭାରତର ସବୁଠାରୁ ଚର୍ଚ୍ଚିତ ନାୟକ ଅଶ୍ୱଥମାଙ୍କ ଉପରେ ଏହି ଫିଲ୍ମ ଆଧାରିତ । ଏଥିନେଇ ଦର୍ଶକଙ୍କ ଉତ୍କଣ୍ଠା ଥିଲେ ମଧ୍ୟ ଫିଲ୍ମ ଶୁଟିଂର ବିଳମ୍ବ ସେମାନଙ୍କୁ ନିରାଶ କରିଛି ।
Comments are closed.