ମୁମ୍ବାଇ: ବଲିଓଡର ବିଗ ବି ତଥା ମେଗାଷ୍ଟାର ଅମିତାଭ ବଚ୍ଚନଙ୍କ ପାଇଁ ତାଙ୍କର ଫ୍ୟାନ୍ସ ପାଗଳ । ଏକଥା ଆମେ ଜାଣୁ । କିନ୍ତୁି ଏମିତି ପାଗଳ..! ବିଗ୍ ବିଙ୍କର ଗୋଟିଏ ଝଲକ ପାଇବା ପାଇଁ ଫ୍ୟାନ୍ସ ମାନେ ତାଙ୍କର ଘର ସାମ୍ନାରେ ପ୍ରତିଦିନ ଛିଡା ହୋଇଥାନ୍ତି । ଅମିତାଭ ବି ତାଙ୍କ ଫ୍ୟାନ୍ସଙ୍କ ଭାବାବେଗକୁ ସମ୍ନାନ ଦେଇ ପ୍ରତିଦିନ ସାକ୍ଷାତ ଦେଇଥାନ୍ତି ।
ହେଲେ ସେ ଦିନ ଥିଲା ଏକ ବ୍ୟତିକ୍ରମ । ସବୁ ଦିନ ପରି ରବିବାର ଦିନ ଅମିତାଭ ତାଙ୍କ ଫ୍ୟାନ୍ସଙ୍କୁ ଦେଖା କରିବା ପାଇଁ ବାହାରି ଆସିଥିଲେ । ହେଲେ ଏହି ସମୟରେ ସୁରକ୍ଷା ବ୍ୟାରିକେଟକୁ ଭାଙ୍ଗି ଦେଇ ଜଣେ କୁନି ଫ୍ୟାନ ଭିତରକୁ ଚାଲି ଆସିଥିଲେ । ସିଧା ଆସି ଅମିତାଭଙ୍କ ପାଦ ଛୁଇଁଥିଲେ ।
ଅମିତାଭ ନିଜ ବ୍ଲଗରେ ଏହି କଥା କହିଛନ୍ତି । ଅମିତାଭ ବ୍ଲଗ ମଧ୍ୟ ଲେଖିନ୍ତି ଏବଂ ତାଙ୍କ ଫ୍ୟାନ୍ସଙ୍କର ବିଶେଷ କଥା କହିଥାନ୍ତି । ରବିବାର ଦିନ ମଧ୍ୟ ସେ ତାଙ୍କ ବ୍ଲଗରେ କୁନି ଫ୍ୟାନ୍ସଙ୍କ କଥା କହିଥିଲେ । ଏହି କୁନି ଫ୍ୟାନ୍ସ, ଅମିତାଭଙ୍କର ଡନ୍ ଫିଲ୍ମ ଦେଖିବା ପରେ ଅମିତାଭଙ୍କ ପାଇ ପାଗଳ ହୋଇ ଯାଇଥିଲା । ଅମିତାଭ ବ୍ଲଗରେ ଲେଖିଛନ୍ତି, “ଏହି ଛୋଟ ବାଳକ ୪ ବର୍ଷ ବୟସରେ ମୋର ଡନ୍ ଫିଲ୍ମ ଦେଖି ଫ୍ୟାନ ହୋଇଯାଇଥିଲା ।’
ବିଗ ବି ନିଜ ବ୍ଲଗରେ ଆହୁରି ଲେଖିଛନ୍ତି, ‘୪ ବର୍ଷ ବୟସରେ ଏହି କୁନି ପିଲାଟି ଇନ୍ଦୋରରୁ ଆସିଥିଲା । ସେ ଯେତେବେଳେ ଡନ ଦେଖିଲା, ମୋର ଡାଇଲଗ୍, ଆକ୍ଟିଂ ଦେଖିଲା ସେ ଆଶ୍ଚର୍ଯ୍ୟ ହୋଇଗଲା । ଆଖିର ଲୁହକୁ ଚାପି ସେ ମୋ ସହିତ ଦେଖା କରିବା ପାଇଁ ବହୁ ଦିନରୁ ଇଚ୍ଛା କରିଥିଲା ।’
ବ୍ଲଗରେ ଉଲ୍ଲେଖ ରହିଛି ‘ସୁରକ୍ଷା ଭାଙ୍ଗି ଯେତେବେଳେ ସେ ଧାଇଁ ଧାଇଁ ଆସିଲା ତାକୁ ସାନ୍ତ୍ୱନା ଦେଲି । ସେ ଆଣିଥିବା ପେଟିଂରେ ମୁଁ ଅଟୋଗ୍ରାଫ ଦେଲି । ସବୁଠାରୁ ଖୁସିର କଥା ସେ ପେଟିଂଟି ମୋର ଥିଲା ।ତା ଛଡା ସେ ତା ବାପାଙ୍କର ଏକ ଚିଠି ଆଣିଥିଲା, ତାକୁ ବି ପଢିଲି । ଏହି ଘଟଣା ଅନେକ ସମୟରେ ଏକାନ୍ତରେ ମତେ ଖୁସି ଦିଏ ।’