ସୁବର୍ଣ୍ଣପୁର: ବାଜୁଛି ବାଜା । ତାଳେ ତାଳେ ନାଚୁଛନ୍ତି ଲୋକେ । ଆଉ ସେମାନଙ୍କ ଭିତରେ ବେକରେ ଫୁଳମାଳ ପକାଇ ପ୍ରତ୍ୟେକ ଲୋକଙ୍କୁ ଜୁହାର କରି ଆଗକୁ ଚାଲିଛନ୍ତି ଜଣେ ଯୁବକ । ଏହା କୌଣସି ନିର୍ବାଚନୀ ପ୍ରଚାର ନୁହେଁ ବା ସେ ନେତା ନୁହଁନ୍ତି । ଦିର୍ଘ ୧୫ ବର୍ଷ ତଳେ ହଜିଯାଇଥିବା ପୁଅ ଘରକୁ ଫେରୁଛି । ଯେଉଁଥିପାଇଁ ସାରା ଗାଁରେ ଏ ଉତ୍ସବର ମାହୋଲ । ଏମିତି କିଛି ଦୃଶ୍ୟ ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ନୂଆଁପାଲି ଗାଁରେ ।
୨୦୦୮ ମସିହାର କଥା । ନୁଆଁପାଲି ଗାଁର ଲଛମନ ବାଗଙ୍କ ପୁଅ ପୁର୍ଣ୍ଣ ମାନସିକ ଭାରସାମ୍ୟ ହରାଇ ଘରୁ କେଉଁଆଡ଼େ ଚାଲିଯାଇଥିଲେ । ପରିବାର ଲୋକେ ବନ୍ଧୁବାନ୍ଧବଙ୍କଠାରୁ ଆରମ୍ଭ କରି ବିଭିନ୍ନ ଜାଗା ବହୁତ ଖୋଜିଲେ । ହେଲେ ପୂର୍ଣ୍ଣଙ୍କର କୌଣସି ପତ୍ତା ପାଇଲେ ନାହିଁ । ଶେଷରେ ପୁଅକୁ ନ ପାଇ ପୁରା ପରିବାର ହତାଶ ହୋଇପଡ଼ିଲେ । ପୁଅ କେଉଁଠି ଥିବ, କେମିତି ଥିବ, କ’ଣ ଖାଉଥିବ ଏହା ଭାବି ଭାବି ବାପା ମାଆ ଭାଙ୍ଗି ପଡ଼ିଲେ । ସମୟ ଗଡିବା ସହ ଧୀରେ ଧୀରେ ପରିବାର ଲୋକେ ତୁନି ରହିଯାଇଥିଲେ । ଦୀର୍ଘ ୧୫ ବର୍ଷ ପରେ ହଠାତ୍ ଦିନେ ପୁଅ ତାମିଲନାଡ଼ୁର ରାମନାଦପୁରମସ୍ଥିତ ଏକ ଏନଜିରେ ଥିବା ନିକଟସ୍ଥ ବଡଭଇଁରୋ ଗାଁର ସମାଜସେବୀ ମନୋଜଙ୍କଠାରୁ ଖବର ପାଇଲେ । ଏହା ଶୁଣିବା ପରେ ପରିବାର ଲୋକଙ୍କ ଗୋଡ଼ ତଳେ ଲାଗିଲା ନାହିଁ । ପୁଅକୁ କେମିତି ଆଣିବେ ସେଥିଲାଗି ଆତ୍ମହରା ହୋଇପଡ଼ିଲେ । ପୁର୍ଣ୍ଣଙ୍କୁ ଆଣିବା ପାଇଁ ତାଙ୍କ ଭାଇ ଓ ମନୋଜ ତାମିଲନାଡ଼ୁରେ ପହଞ୍ôଚଲେ । ସେଠାକାର ଜିଲାପାଳ ପୂର୍ଣ୍ଣଙ୍କୁ ବିଦାୟକାଳୀନ ସମ୍ବର୍ଦ୍ଧନା ଦେବା ସହ ପରିବାର ଲୋକଙ୍କୁ ହସ୍ତାନ୍ତର କରିଥିଲେ । ୧୫ ବର୍ଷ ପରେ ପୂର୍ଣ୍ଣ ଗାଁକୁ ଫେରୁଥିବାରୁ ଗ୍ରାମବାସୀ ଓ ପରିବାର ଲୋକଙ୍କ ଖୁସି କହିଲେ ନ ସରେ । ପୂର୍ଣ୍ଣ ଗାଁରେ ପହଞ୍ôଚବା ପରେ ଫୁଲମାଳ ଦେଇ ଶୋଭାଯାତ୍ରାରେ ପାଛୋଟି ଆଣିଥିଲେ ଗ୍ରାମବାସୀ ।
BREAKING NEWS
- ପ୍ରଚାର ବେଳେ ସନା ମହାକୁଡଙ୍କ ବେକରେ ପଡ଼ିଲା ଜୋତା ମାଳ!
- ଫେଡେରେଶନ କପ ଆଥଲେଟିକ୍ସ: କଳିଙ୍ଗ ଷ୍ଟାଡିୟମରେ ସ୍ୱର୍ଣ୍ଣ ଜିତିଲେ ଅଲିମ୍ପିକ ପଦକ ବିଜେତା ନୀରଜ
- ମୋଦୀ ଗରିବଙ୍କୁ ଚାଉଳ ଦେଲେ, ନବୀନ ତାଙ୍କ ଫଟୋ ଥିବା ବ୍ଯାଗ ଦେଲେ: ଶାହ
- ସବୁଠି ଅସନ୍ତୋଷ! ବିଜେଡି ପ୍ରାର୍ଥୀ ରୀତା, ଲତିକାଙ୍କ ପରେ ପ୍ରସନ୍ନ ଆଚାର୍ଯ୍ୟଙ୍କୁ ଘେରିଲେ ଲୋକେ
- ଇଭିଏମରେ ସିଲ୍ ହୋଇଛି ୩ ପ୍ରାର୍ଥୀଙ୍କ ଭାଗ୍ୟ, ଜୁନ୍ ୪ରେ ଖୋଲିବ ପେଡି
- ଭୁବନେଶ୍ଵରରେ ନଡ୍ଡା, ଆସନ୍ତାକାଲି କରିବେ ରୋଡ ସୋ’
- ଆଗାମୀ ଆଇପିଏଲରେ ଏହି ଟିମକୁ ଯାଇ ପାରନ୍ତି ରୋହିତ
- ବଦଳିଗଲେ କି ରାହୁଲ ଗାନ୍ଧୀ? ମୋଦୀଙ୍କୁ ସିଧା ଆଟାକ, ନବୀନଙ୍କ ନାଁ ନେଲେନି
- ଯାତ୍ରୀଙ୍କ ପାଇଁ ଖୁସି ଖବର: ଗ୍ରୀଷ୍ମ କାଳୀନ ଭିଡକୁ ଏଡ଼ାଇବା ପାଇଁ ଚାଲିବ ସ୍ୱତନ୍ତ୍ର ଟ୍ରେନ
- ମାଗଣା ବିଜୁଳି ପ୍ରତିଶ୍ରୁତି କରେଣ୍ଟ ବିଜେପିକୁ ଜୋରଦାର ଲାଗିଛି: ବିଜେଡି