ଗଛ ଉପରେ ତିଆରି ହୋଇଛି ସୁନ୍ଦର ଲାଇବ୍ରେରୀ । ଆଉ ସେଠାକୁ ପାଠକୀୟ ରୁଚି ରଖୁଥିବା ଲୋକମାନେ ମଧ୍ୟ ପଢିବାକୁ ଆସୁଛନ୍ତି । ଏହା ପଡିଲେ ଯେ କେହି ଆଶ୍ଚର୍ଯ୍ୟ ହୋଇଯିବ ନିଶ୍ଚୟ । ଏମିତି ଏକ ଅଜବ ଲାଇବ୍ରେରୀ ରହିଛି ଆମେରିକାରେ ।
କୌଣସି ଘର ଭିତରେ ନୁହେଁ, ଘର ବାହାରେ ଶୁଖିଲା ଗଛରେ ରହିଛି ଲାଇବ୍ରେରୀ । ମାନେ ଏହି ଲାଇବ୍ରେରୀରେ ସମସ୍ତ ସୁବିଧା ସୁଯୋଗ ଅଛି, ପାଠକ ବି ଅଛନ୍ତି । କିନ୍ତୁ ଗଛରେ ଲାଇବ୍ରେରୀ ତିଆରି ହୋଇଥିବାରୁ ତାହା ଆସିଛି ଚର୍ଚ୍ଚାକୁ । ଆମେରିକାର ଇଡ଼ାହୋ ରାଜ୍ୟରେ ଜଣେ ଆର୍ଟିଷ୍ଟ ଘର ବାହାରେ ଥିବା ଏକ ଶୁଖିଲା ଗଛରେ ଏହି ଛୋଟ ଲାଇବ୍ରେରୀ ନିର୍ମାଣ କରିଛନ୍ତି । ଏହି ଲାଇବ୍ରେରୀରେ ପିଲାଙ୍କ ଲାଗି ରହିଛି ୭୦ରୁ ଊର୍ଦ୍ଧ୍ୱ ପୁସ୍ତକ । ଏହାସହିତ ବିଭିନ୍ନ ପତ୍ରପତ୍ରିକା,ଉପନ୍ୟାସ ସହିତ ପାଠ୍ୟ ପୁସ୍ତକ ମଧ୍ୟ ଉପଲବ୍ଧ । ଏଭଳି କ୍ରିଏଟିଭ୍ ଉଦ୍ୟମ କରିଥିବା ଏହି ଆର୍ଟିଷ୍ଟଙ୍କ ନାମ ହେଉଛି ଶାରଲେ ଏମିଟଜ ହାୱର୍ଡ଼ । ଏହି ଲାଇବ୍ରେରୀକୁ ଦେଖିଲେ ଆପଣ ତାହା ଭିତରକୁ ଯାଇ ବହି ପଢ଼ିବାକୁ ଆଗ୍ରହ ପ୍ରକାଶ କରିବେ । ଆର୍ଟିଷ୍ଟ ଶାରଲେଙ୍କ କହିବା କଥା ହେଲା, ଏହି ଲାଇବ୍ରେରୀ ନିର୍ମାଣ କରିବା ପାଇଁ ୭୩ ଡ଼ଲାର ବା ୫,୧୩୩ ଟଙ୍କା ଖର୍ଚ୍ଚ ହୋଇଛି । ଏହି ଲାଇବ୍ରେରୀକୁ ନିଜ ଘର ପଛରେ ଥିବା ୧୦୦ ବର୍ଷର ପୁରୁଣା ଗଛରେ ରଚନାତ୍ମକ ଉପାୟରେ ନିର୍ମାଣ କରିଛନ୍ତି । ସେ ସେଥିରେ ଲାଇବ୍ରେରୀୟାନ ଭାବେ କାମ କରନ୍ତି । ସୋସିଆଲ ମିଡ଼ିଆରେ ପ୍ରଚାର ପୂର୍ବରୁ ଏଭଳି ଏକ ଅଭିନବ ଉଦ୍ୟମ ବାବଦରେ କ୍ୱଚିତ୍ ଲୋକ ଜାଣିଥିଲେ । ହେଲେ ଏହାକୁ ଫେସବୁକରେ ପୋଷ୍ଟ କଲା ପରେ ତାଙ୍କ ଉଦ୍ୟମକୁ ମିଳିଲା ଢେର୍ ପ୍ରଶଂସା । ସୋସିଆଲ ମିଡ଼ିଆରେ ସେ ଲେଖିଛନ୍ତି ଯେ, ଆମ ଘର ବାଡ଼ିରେ ଥିବା ଏକ ବିଶାଳ ଗଛ କାଟିବାକୁ ପଡ଼ୁଥିଲା, ଯାହା ଶହେ ବର୍ଷର ପୁରୁଣା । ସେ ଏହାକୁ ନଷ୍ଟ ନ କରି ତାହାକୁ ଠିକ୍ ଭାବେ ଉପଯୋଗ କରିବାକୁ ମନସ୍ଥ କଲେ । ସେଥିରେ ଏକ ଲାଇବ୍ରେରି କରିବାକୁ ନିଷ୍ପତି ନେଲେ । ସେହି ଗଛକୁ କଟାକଟି କରି ସେଥିରେ ଏକ ଲାଇବ୍ରେରୀ ନିର୍ମାଣ କଲେ । ଏହି ଗଛକୁ କାଟି ଏକ ଆଲମାରି ଆକୃତିର ପ୍ରସ୍ତୁତ କରିଛନ୍ତି । ତାହା ଭିତରେ ଲାଇଟ୍ ଲଗାଇବା ସହ ବାହାରେ ମଧ୍ୟ ଲାଇଟ୍ରେ ସଜ୍ଜିତ କରିଛନ୍ତି, ଯାହା ସ୍ଥାନୀୟ ଲୋକଙ୍କୁ ବହୁତ ପସନ୍ଦ ।
BREAKING NEWS
- ଜ୍ୟାକ୍ସଙ୍କ ବିସ୍ଫୋରକ ଶତକ, ବେଙ୍ଗାଲୁରର କ୍ରମାଗତ ଦ୍ୱିତୀୟ ବିଜୟ
- ମଦ୍ୟପ ଗାଡ଼ି ଚାଳକଙ୍କ ବିରୋଧରେ ଧରପଗଡ଼, ୩ ଜଣଙ୍କୁ ବାନ୍ଧିଲା ପୋଲିସ
- ଟାଇଟାନିକ ଜାହଜରେ ଯାତ୍ରା କରିଥିବା ବ୍ୟକ୍ତିଙ୍କ ଘଂଟା ନିଲାମ ହେଲା ରେକର୍ଡ ଟଙ୍କାରେ
- ସ୍ପେନିଶ ପାରା ଆନ୍ତର୍ଜାତୀୟ ବ୍ୟାଡମିଂଟନ: ଓଡିଶାର ଦୀପ ରଞ୍ଜନଙ୍କୁ ୨ଟି ରୌପ୍ୟ
- ତାତିରୁ ଆଶ୍ୱସ୍ତି ଆଣିଦେବ କି କାଳବୈଶାଖୀ ! ଆଗାମୀ ୩ ଘଣ୍ଟା ମଧ୍ୟରେ ବଜ୍ରପାତ ସହ ହାଲୁକା ବର୍ଷା ସମ୍ଭାବନା
- କହ୍ନୈୟାଙ୍କ ପ୍ରାର୍ଥୀତ୍ୱକୁ କଂଗ୍ରେସ କର୍ମୀଙ୍କ ବିରୋଧ, ଦିଲ୍ଲୀ କଂଗ୍ରେସ ଅଧ୍ୟକ୍ଷଙ୍କ ଇସ୍ତଫା ମଞ୍ଜୁର
- ଭୁବନେଶ୍ଵରରେ ପହଞ୍ଚିଲେ ଜେପି ନଡ୍ଡା, ବ୍ରହ୍ମପୁରରେ ଆୟୋଜିତ ବିଜୟ ସଂକଳ୍ପ ସମାବେଶରେକୁ କରିବେ ସମ୍ବୋଧିନ
- ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ଭିନ୍ନିଲ କ୍ରୀଷ୍ଣାଙ୍କ ବହିଷ୍କାର ଦାବି କଲା ବିଜେପି
- ନିର୍ବାଚନ ବେଳେ ବ୍ୟାପକ ହେଉଛି ଚେକିଂ ଓ ବ୍ଲକିଂ, ଯାଞ୍ଚ ବେଳେ କାରରୁ ଧରାପଡ଼ିଲା ନଗଦ ୩ ଲକ୍ଷ ଟଙ୍କା
- ସାହିତ୍ୟ ମୋ ଜୀବନର ଗତିପଥ : ମୁକ୍ତିରାଣୀ ଦେବତା