ନୂଆଦିଲ୍ଲୀ: ଛୋଟ ପରଦାର ଅଭିନେତ୍ରୀ ରୁପାଲି ଗାଙ୍ଗୁଲୀ ହିନ୍ଦି ସମେତ ଅନ୍ୟାନ୍ୟ ଭାଷାରେ ବିଭିନ୍ନ ଧାରାବାହିକରେ ଅଭିନୟ କରି ଘରେ ଘରେ ବେଶ୍ ପରିଚିତ । କିନ୍ତୁ ଏବେ ଟିଭିର ସବୁଠାରୁ ଲୋକପ୍ରିୟ ଧାରାବାହିକ ‘ଅନୁପମା’ ତାଙ୍କର ଭାଗ୍ୟକୁ ବଦଳାଇ ଦେଇଛି । ସମ୍ପ୍ରତି ସେ ପାଲଟି ଯାଇଛନ୍ତି ଟିଭି ପରଦାର ସବୁଠାରୁ ଦାମୀ ଅଭିନେତ୍ରୀ । ଏଥିରେ ସେ ଜଣେ ଗୃହିଣୀ ଭୂମିକାରେ ଅଭିନୟ କରି ସମସ୍ତଙ୍କ ହୃଦୟ ଜିତିପାରିଛନ୍ତି ।
ଧାରାବାହିକ ‘ଅନୁପମା’ର ମୁଖ୍ୟ ଚରିତ୍ରରେ ଦମ୍ଦାର ଅଭିନୟ କରିଛନ୍ତି ରୁପାଲି । କୁହାଯାଉଛି ଧାରାବାହିକର ଚରିତ୍ର ପୁରାପୁରି ଫିଟ୍ ହୋଇଛି ରୁପାଲିଙ୍କୁ । ଲାଗୁଛି ଯେପରି ଏହି ଚରିତ୍ରଟି କେବଳ ଏହି ଅଭିନେତ୍ରୀଙ୍କ ପାଇଁ ତିଆରି ହୋଇଛି । ମୋଟ ଉପରେ ‘ଅନୁପମା’ରେ ଅଭିନୟ ତାଙ୍କର ଲୋକପ୍ରିିୟତାକୁ ଦ୍ୱିଗୁଣିତ କରି ଦେଇଛି । ସେ ଏହି ଧାରାବାହିକର ପ୍ରତ୍ୟେକ ଏପିସୋଡ଼ ପାଇଁ ୩ ଲକ୍ଷ ଟଙ୍କାର ପାରିଶ୍ରମିକ ନେଉଛନ୍ତି । ଆଗରୁ ସେ ଗୋଟେ ଏପିସୋଡ଼କୁ ଦେଢ ଲକ୍ଷ ଟଙ୍କା ନେଉଥିଲେ । ଏହି ଧାରାବାହିକର ଲୋକପ୍ରିୟତା ବଢିବା ସହିତ ତାଙ୍କର ମଧ୍ୟ ଚାହିଦା ବି ବଢିଛି । ଏହି ଖୁସିରେ ସେ ଏକ ନୂଆ ମର୍ସିଡିଜ୍ କାର କିଣିଛନ୍ତି । ରୁପାଲି ମାତ୍ର ୪ ବର୍ଷ ବୟସରୁ ଅଭିନୟ ଦୁନିଆରେ ପାଦ ଦେଇଛନ୍ତି । ସେ ‘ସାରାଭାଇ ଭରସେସ୍ ସାରାଭାଇ’, ‘ବା, ବୋହୁ ଓ୍ୟୌର ବିବି’ , ‘ପରବରିସ’, ‘କୁଛ ଖଟ୍ଟି କୁଛ ମିଠି’ ଭଳି ସିରିଏଲରେ ତାଙ୍କର ଅଭିନୟକୁ ଲୋକେ ଖୁବ୍ ପସନ୍ଦ କରିଛନ୍ତି । ଏହା ପରେ ସେ ଲମ୍ବା ସମୟ ଧରି ଟିଭି ଦୁନିଆରୁ ଦୂରେଇ ରହିଥିଲେ । ଦୀର୍ଘ ସାତ ବର୍ଷ ପରେ ପୁଣି ୨୦୨୧ରେ ଅନୁପମା ଧାରାବାହିକରେ ଫେରି ନିଜର ଅଭିନୟର ଯାଦୁ ଦେଖାଇଛନ୍ତି ।
BREAKING NEWS
- ପୁରୀରେ ମୋଦୀଙ୍କ ମେଗା ରୋଡ ଶୋ’; ମୁତୟନ ହେବେ ୬୩ ପ୍ଲାଟୁନ ଫୋର୍ସ
- ପ୍ରଚାର ମୈଦାନରେ ବିଜେଡି ସୁପ୍ରିମୋ, କେନ୍ଦୁଝରରେ ଆଦିବାସୀ ଭୋଟରଙ୍କୁ ପାଣ୍ଡିଆନଙ୍କ ଭୋଟ ଅପିଲ
- ରାସାୟନିକ ଉପାୟରେ ପାଚିଥିବା ଫଳ ଶରୀର ପାଇଁ କାଳ
- ଗମ୍ଭୀର ହେବେ କି ଟିମ ଇଣ୍ଡିଆର ନୂଆ କୋଚ
- ପିଓକେକୁ ନେଇ ଜୟଶଙ୍କରଙ୍କ ବୟାନ, କହିଲେ ସଠିକ୍ ସମୟ ଆସିଲେ ନିଆଯିବ ନିଷ୍ପତ୍ତି
- କେଜ୍ରିଓ୍ବାଲଙ୍କ ବିରୋଧ ପ୍ରଦର୍ଶନ ପାଇଁ ସଜାଗ ଦିଲ୍ଲୀ ପୋଲିସ, ବିଜେପି ପାର୍ଟି ଅଫିସରେ ସୁରକ୍ଷା କଡାକଡି
- ପୁଣି ଓଡ଼ିଶା ଆସି ଗର୍ଜିବେ ରାହୁଲ ଓ ମଲ୍ଲିକାର୍ଜୁନ ଖଡ୍ଗେ
- ‘ବାତ୍ୟା ପାଇଁ କୌଣସି ପୂର୍ବାନୁମାନ କରାଯାଇ ନଥିବାରୁ ଭୟଭୀତ ହେବାର ଆବଶ୍ୟକତା ନାହିଁ’
- କୋହଲି, ଅନୁଷ୍କାଙ୍କ ଆଖି ଛଳ ଛଳ ହୋଇଗଲା
- ଆମ ଆଦମୀ ପାର୍ଟି ପ୍ରାର୍ଥୀଙ୍କୁ ଭୋଟ୍ ଦେବେ କହିଲେ କଂଗ୍ରେସ ନେତା ରାହୁଲ ଗାନ୍ଧୀ