ମୁମ୍ବାଇ: ହିନ୍ଦି ସିନେମାରେ ମୁଖ୍ୟତଃ ଖଳନାୟକ ଭୂମିକାରେ ଅଭିନୟ କରୁଥିବା ବଲିଉଡ଼ ଅଭିନେତା ସୋନୁ ସୁଦ୍ ନିଜର କାର୍ଯ୍ୟକଳାପ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି । କୌଣସି ଲୋକ ଅସୁବିଧାରେ ଥିଲେ ତାଙ୍କ ପାଖରେ ପହଞ୍ôଚ ସହାୟତାର ହାତ ବଢାଇଥାନ୍ତି ସୋନୁ । ଏହି କାରଣରୁ ସୋନୁ ସୁଦ୍ଙ୍କ ଫ୍ୟାନ ଫଲୋର୍ସଙ୍କ ସଂଖ୍ୟା ଖୁବ୍ ଅଧିକ । ଅନେକ ସ୍ଥାନରେ ସୋନୁଙ୍କୁ ଭଗବାନଙ୍କ ଅବତାର ବୋଲି ଆଖ୍ୟା ଦେଇ ତାଙ୍କ ମନ୍ଦିର ନିର୍ମାଣ ହୋଇଛି । ପୂର୍ବରୁ ଦେଶର ବିଭିନ୍ନ ରାଜ୍ୟରେ ତାଙ୍କର ତିନୋଟି ମନ୍ଦିର ନିର୍ମାଣ ହୋଇଥିବା ବେଳେ ଏବେ ତେଲେଙ୍ଗାନାରେ ଆଉ ଏକ ମନ୍ଦିର ନିର୍ମାଣ କରାଯାଇଛି ।
ଆନ୍ଧ୍ର-ତେଲେଙ୍ଗାନା ସୀମାନ୍ତରେ ସୋନୁ ସୁଦ୍ଙ୍କ ଆଉ ଏକ ମନ୍ଦିର ନିର୍ମାଣ କରାଯାଇଛି । ଏହି ମନ୍ଦିର ଓ ମୂର୍ତ୍ତିର ଫଟୋ ଏବଂ ଭିଡ଼ିଓ ସୋସିଆଲ ମିଡ଼ିଆରେ ବେଶ୍ ଭାଇରାଲ ହୋଇଛି । ସୋନୁ କହିଛନ୍ତି, ପୂର୍ବରୁ ତେଲେଙ୍ଗାନା, ଆନ୍ଧ୍ରପ୍ରଦେଶ ଓ ଚେନ୍ନାଇରେ ମନ୍ଦିର ନିର୍ମାଣ କରାଯାଇଛି । ଏବେ ଆଉ ଗୋଟିଏ ମନ୍ଦିର ନିର୍ମାଣ କରାଯାଇଛି । ବାସ୍ତବରେ ମୁଁ ଋଣି ଯେ ସତରେ ମୋ ପ୍ରତି ଦର୍ଶକଙ୍କର ଏତେ ଭଲପାଇବା ରହିଛି । ଯେଉଁମାନେ ମୋର ମନ୍ଦିର ନିର୍ମାଣ କରିଛନ୍ତି ସେମାନଙ୍କୁ କିଛି କହିବାକୁ ଶବ୍ଦ ନାହିଁ । ମୁଁ ଏଥିପାଇଁ ଯୋଗ୍ୟ ନୁହେଁ । ମୋର ମନ୍ଦିର ନିର୍ମାଣ ନ କରି ସ୍କୁଲ, ହସପିଟାଲ ନିର୍ମାଣ କଲେ ଅନେକ ଲୋକ ଉପକୃତ ହୋଇପାରିବେ ବୋଲି କହିଛନ୍ତି ସୋନୁ ।
Comments are closed.