ପୁଣି ସୋନିଆ ଗାନ୍ଧୀ ହେଲେ କଂଗ୍ରେସ ଅଧ୍ୟକ୍ଷା

ନୂଆଦିଲ୍ଲୀ: କଂଗ୍ରେସ କାର୍ଯ୍ୟକାରୀ କମିଟି ବୈଠକର ନିଷ୍ପତ୍ତି କ୍ରମେ ସୋନିଆ ଗାନ୍ଧୀ କଂଗ୍ରେସ ଦଳର ନୂଆ ଅଧ୍ୟକ୍ଷା ଭାବେ ମନୋନୀତ ହୋଇଛନ୍ତି । ଦୀର୍ଘ ସମୟଧରି ଶନିବାର ଦିନ ଏହି ବୈଠକ ଅନୁଷ୍ଠିତ ହୋଇଥିଲା, ପରିଶେଷରେ ରାହୁଲ ଗାନ୍ଧୀଙ୍କ ପରେ ସୋନିଆଙ୍କୁ ଅନ୍ତରୀଣ ଅଧ୍ୟକ୍ଷା ଭାବେ ସର୍ବସମ୍ମତି କ୍ରମେ ଚୟନ କରାଯାଇଛି ।

Sonia Gandhi to be interim Congress president

Read @ANI Story | https://t.co/Uzk0FeC9oQ pic.twitter.com/0IC4QDRGFO

— ANI Digital (@ani_digital) August 10, 2019

ମିଳିଥିବା ସୂଚନାନୁଯାୟୀ, ବରିଷ୍ଠ ନେତା ଗୁଲାମ ନବୀ ଆଜାଦ ଏହି ବୈଠକ ସମାପ୍ତ ହେବା ପରେ ଗଣମାଧ୍ୟମକୁ ସୂଚନାଦେଇ କହିଛନ୍ତି ଯେ, ନିୟମିତ ଅଧ୍ୟକ୍ଷ ନିର୍ବାଚନ ନ’ହେବା ପର୍ଯ୍ୟନ୍ତ ସୋନିଆ ଗାନ୍ଧୀ ହିଁ ଅନ୍ତରୀଣ ଅଧ୍ୟକ୍ଷ ଭାବେ ଦଳକୁ ସମ୍ଭାଳିବେ ।

ସୂତ୍ରରୁ ଜଣାପଡ଼ିଛି ଯେ, ପ୍ରଥମେ ଏହି ପଦବୀ ଲାଗି ସୋନିଆ ସିଧାସଳଖ ମନା କରିଦେଇଥିଲେ, ମାତ୍ର କାର୍ଯ୍ୟକାରିଣୀ ବୈଠକରେ ଉପସ୍ଥିତ ରହିଥିବା ସମସ୍ତ ବରିଷ୍ଠ ସଦସ୍ୟମାନଙ୍କ ବହୁତ ଅନୁରୋଧ ପରେ ସେ ରାଜି ହୋଇଥିଲେ ।

ଏଠାରେ ସୂଚନାଯୋଗ୍ୟ, ସାଧାରଣ ନିର୍ବାଚନରେ ପରାଜୟ ପରେ ରାହୁଲ ଗାନ୍ଧୀ ଅଧ୍ୟକ୍ଷ ପଦବୀରୁ ଇସ୍ତଫା ପ୍ରଦାନ କରିବା ସହିତ ଏହି ପଦବୀରେ ରହିବାକୁ ଅନିଚ୍ଛା ପ୍ରକାଶ କରିଥିଲେ । ଏପରିକି ଗାନ୍ଧୀ ପରିବାରରୁ କୌଣସି ସଦସ୍ୟ ଏହି ପଦବୀରେ ରହିବେ ନାହିଁ ବୋଲି ରିପୋର୍ଟ ପ୍ରକାଶିତ ହୋଇଥିଲା ।

ଶନିବାର ଦିନ ରାତି ୮ ଟା ସମୟରେ ନୂଆଦିଲ୍ଲୀଠାରେ କଂଗ୍ରେସ ୱାର୍କି କମିଟି ବୈଠକ ଆରମ୍ଭ ହୋଇଥିଲେ ମଧ୍ୟ ନିଷ୍କର୍ଷ ବାହାରିନଥିଲା । ଏହି ବୈଠକରେ ସୋନିଆ ଗାନ୍ଧୀଙ୍କ ସମେତ ପ୍ରିୟଙ୍କା ଗାନ୍ଧୀ, ପୂର୍ବତନ ପ୍ରଦାନମନ୍ତ୍ରୀ ମନମୋହନ ସିଂହ ଏବଂ ଜ୍ୟୋତିରାଦିତ୍ୟ ସିନ୍ଧିଆ ପ୍ରମୁଖ ନେତାମାନେ ଉପସ୍ଥିତ ରହିଥିଲେ ।