ପୁରୀ: ଜିଲ୍ଲାରେ ଦୁଇଟି ପୃଥକ ହତ୍ୟା ଉଦ୍ୟମ ଓ ବୋମାମାଡ଼ ଘଟଣାରେ ପୁଲିସ ୭ ଜଣଙ୍କୁ ଗିରଫ କରିଛି। ମଙ୍ଗଳବାର ପୁରୀ ସହରରେ ଏକ ସାମ୍ବାଦିକ ସମ୍ମିଳନୀରେ ପୁରୀ ଏସପି କେ. ବିଶାଳ ସିଂହ ଏହି ଗିରଫଦାରୀ ସମ୍ପର୍କରେ ସୂଚନା ଦେଇଛନ୍ତି। ଗତ ୨୫ ତାରିଖରେ ଚନ୍ଦନପୁରରେ ଘଟିଥିବା ହତ୍ୟା ଉଦ୍ୟମ ଘଟଣାରେ ୫ ଜଣଙ୍କୁ ଗିରଫ କରାଯାଇଥିବା ବେଳେ ଅନ୍ୟ ଦୁଇ ସନ୍ଦିଗ୍ଧ ସେହି ଅଞ୍ଚଳର ଏକ ଓ୍ୱାଟର ପାର୍କରେ ବୋମା ବିସ୍ଫୋରଣ ପାଇଁ ଓ୍ୱାଣ୍ଟେଡ ଥିଲେ।
ଚନ୍ଦନପୁର ଥାନା ଅନ୍ତର୍ଗତ ଗଙ୍ଗାନାରାୟଣପୁରର ଚରଣ ଜେନାଙ୍କ ପତ୍ନୀ ସୌଦାମିନୀ ଜେନାଙ୍କ ଅଭିଯୋଗର ତଦନ୍ତ ପରେ ପ୍ରଥମ ଗିରଫ ହୋଇଛି।
ଅଭିଯୋଗ ଅନୁଯାୟୀ, ଗତ ୨୪ ତାରିଖ ବିଳମ୍ବିତ ରାତିରେ ଚରଣ ଓ ତାଙ୍କର ଦୁଇ ସାଙ୍ଗ ଘରକୁ ଫେରୁଥିବା ବେଳେ ଦୁର୍ବୃତ୍ତମାନେ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ। ଏଥିରେ ଚରଣ ଗୁରୁତର ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଥିବା ବେଳେ ଆକ୍ରମଣ ସମୟରେ ତାଙ୍କର ଜଣେ ବନ୍ଧୁ ଗୁଳିମାଡ଼ର ଶିକାର ହୋଇଥିଲେ। ଅଭିଯୁକ୍ତମାନେ ତାଙ୍କ ସ୍ୱାମୀଙ୍କୁ ହତ୍ୟା କରିବା ପାଇଁ ଉଦ୍ୟମ କରିଥିବା ଅଭିଯୋଗରେ ଦର୍ଶାଯାଇଛି।
ଚନ୍ଦନପୁରର ବିଭିନ୍ନ ସ୍ଥାନରୁ ପୁଲିସ ପାଞ୍ଚ ଜଣ ସନ୍ଦିଗ୍ଧଙ୍କୁ ଧରିବାରେ ସଫଳ ହୋଇଛି। ସେମାନଙ୍କ ନିକଟରୁ ଦୁଇଟି ଦେଶୀ ବନ୍ଧୁକ, ଗୋଟିଏ ଦେଶୀ ବନ୍ଧୁକ ଓ ଜୀବନ୍ତ ଗୁଳି ଜବତ କରିଛି ପ୍ରଶାସନ।
ଦ୍ୱିତୀୟ ଘଟଣାରେ ୨ଜଣ ବ୍ୟକ୍ତି ଓ୍ୱାଟର ପାର୍କରେ ୨ଟି ବୋମା ପକାଇବା ପରେ ମାଲିକ ସେମାନଙ୍କୁ ମାଗିଥିବା ୧ଲକ୍ଷ ଟଙ୍କା ଫେରସ୍ତ ଦେବାକୁ ମନା କରିଦେଇଥିଲେ। ଏହି ଘଟଣାକୁ ନେଇ ପାର୍କ ମାଲିକ ତୁରନ୍ତ ଚନ୍ଦନପୁର ଥାନାରେ ଅଭିଯୋଗ କରିଥିଲେ। ପରେ ପୋଲିସ ମାମଲାର ତଦନ୍ତ କରି ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି।
Comments are closed.