ମୁମ୍ବାଇ: ଗତ ୨୯ ତାରିଖରେ ରିଲିଜ୍ ହୋଇଥିବା ବଲିଉଡ ଅଭିନେତା କାର୍ତ୍ତିକ ଆରୟନ୍ ଏବଂ କିଆରା ଆଡଭାନୀଙ୍କ ଅଭିନିତ ଫିଲ୍ମ ‘ସତ୍ୟପ୍ରେମ କି କଥା’ ବକ୍ସ ଅଫିସରେ ସୁପରହିଟ୍ ହୋଇଛି । ଏହି ଯୋଡ଼ିକୁ ଦର୍ଶକ ଖୁବ୍ ପସନ୍ଦ କରିଛନ୍ତି । ରିଲିଜ୍ ପରଠାରୁ ଏହି ଫିଲ୍ମ ଭଲ ବ୍ୟବସାୟ କରିଛି । ଏବେ ଏହି ଫିଲ୍ମ ୧୦୦ କୋଟି କ୍ଲବରେ ପ୍ରବେଶ କରିଛି । ଏନେଇ ସୋସିଆଲ ମିଡିଆରେ କିଆରା ଏହି ସୂଚନା ଦେଇଛନ୍ତି ।
କିଆରା ଫିଲ୍ମର ଏକ ପୋଷ୍ଟର ସେୟାର କରି ଉଲ୍ଲେଖ କରିଛନ୍ତିି ଯେ, ‘ସତ୍ୟପ୍ରେମ କି କଥା’କୁ ଏତେ ଭଲପାଇବା ଦେଇଥିବାରୁ ସମସ୍ତଙ୍କୁ ଧନ୍ୟବାଦ । ଆପଣଙ୍କ ଭଲ ପାଇବା ଯୋଗୁ ଏହି ଫିଲ୍ମ ସାରା ବିଶ୍ୱରେ ୧୦୦କୋଟି ସଂଗ୍ରହ କରିବାରେ ସଫଳ ହୋଇଛି ।
ଏହି ଫିଲ୍ମ ପ୍ରଥମ ଦିନ ୯.୨୫କୋଟି ସଂଗ୍ରହ କରିଥିବା ବେଳେ ଦ୍ୱିତୀୟ ଦିନରେ ୭କୋଟି, ତୃତୀୟ ଦିନରେ ୧୦.୧୦କୋଟି ସଂଗ୍ରହ କରିଥିଲା । ରବିବାର ଏହା ୧୨.୧୫କୋଟି ହେବା ସହିତ ଏହାର ଆୟ ବୃଦ୍ଧି ପାଇବାକୁ ଲାଗିଥିଲା । ପ୍ରଥମେ ‘ଭୁଲ୍ ଭୁଲେୟା ୨’ ରେ ଏହି ଯୋଡ଼ିଙ୍କୁ ଦେଖିବାକୁ ମିଳିଥିଲା ।
Comments are closed.